हिमालयन रिइन्स्योरेन्स

काठमाडौं । हिमालयन रिइन्स्योरेन्सले आफ्नो तेस्रो वार्षिक साधारणसभा सम्पन्न भएको छ । सभा काठमाडौंको पदर्शनीमार्गस्थित राष्ट्रिय सभागृहमा सम्पन्न भएको हो ।

सभाले आर्थिक वर्ष २०७९/८० का लागि प्रस्तावित कुल ४.२१ प्रतिशत लाभांश अनुमोदन गरेको छ । जसमा चुक्तापुँजी १० अर्ब रुपैयाँको ४ प्रतिशतले हुन आउने ४० करोड रुपैयाँ बराबरको बोनस सेयर र कर प्रयोजनार्थ ०.२१ प्रतिशतले हुन आउने २ करोड १० लाख ५२ हजार ६३१.५८ रुपैयाँबराबरको नगद लाभांश छन्।

सभाले बोनस सेयर वितरणपछि कायम हुने चुक्तापुँजी १० अर्ब ४० करोड रुपैयाँको १०ः८ अर्थात १० सेयरबराबर ८ सेयरको अनुपातमा ८ अर्ब ३२ करोड रुपैयाँबराबरको हकप्रद सेयर जारी गर्ने प्रस्ताव अनुमोदन गरेको छ ।

कम्पनीको अधिकृत पुँजी, जारी पुँजी तथा चुक्ता पुँजी वृद्धि गर्ने र सोहीबमोजिम प्रबन्धपत्रको सम्बन्धित दफाहरु संशोधन गर्ने प्रस्ताव पनि सभाले पारित गरेको छ । प्रबन्धपत्र तथा नियमावलीमा संशोधन तथा थपघट गर्ने प्रस्ताव सभाले स्वीकृत गरेको छ ।

सभाले सञ्चालक समितिमा संस्थापक समूहका शेयरधनीतर्फको रिक्त रहेको १ जना सञ्चालक पदमा बाँकी कार्यकालका लागि तथा सर्वसाधारण शेयरधनी समूहका तर्फबाट सञ्चालक समितिमा प्रतिनिधित्व गर्ने दुईजना सञ्चालकको निर्वाचन गरेको छ ।

सभाले आर्थिक वर्ष २०७९/८० को वार्षिक तथा लेखापरीक्षकको प्रतिवेदन पारित गरेको छ । आर्थिक वर्ष २०८०/८१ का लागि लेखा परीक्षण समितिको सिफारिसबमोजिम लेखापरीक्षकको नियुक्ति गर्ने तथा निजको पारिश्रमिक तोक्ने प्रस्ताव पनि सभाले स्वीकृत गरेको छ।

काठमाडौं । हिमालयन रिइन्स्योरेन्सले चालु आर्थिक वर्षको दोस्रो त्रैमासिक वित्तीय विवरण सार्वजनिक गरेको छ । सार्वजनिक वित्तीय विवरणअनुसार कम्पनीको खुद नाफा समीक्षा अवधिमा झण्डै दोब्बर भएको छ ।

कम्पनीले सार्वजनिक गरेको चालु आर्थिक वर्षको दोस्रो त्रैमास (साउनदेखि पुस मसान्तसम्म) वित्तीय विवरणअनुसार ६० करोड २७ लाख रुपैयाँ खुद नाफा कमाएको छ । गत वर्षको यसै अवधिमा यस्तो नाफा ३० करोड १७ लाख रुपैयाँ थियो । कम्पनीको खुद प्रिमियम आम्दानी र लगानी तथा ब्याजवापतको आम्दानी बढ्दा नाफामा टेवा पुगेको देखिन्छ ।

कम्पनीले दोस्रो त्रैमासमा १ अर्ब ९९ करोड रुपैयाँ खुद प्रिमियम आम्दानी गरेको छ । गत वर्षको यस अवधिमा यस्तो आम्दानी ७८ करोड ३८ लाख रुपैयाँ मात्रै थियो । त्यस्तै लगानी तथा ब्याजवापतको आम्दानी गत वर्षको दोस्रो त्रैमासमा ३७ करोड ४२ लाख रुपैयाँ रहेकोमा यो वर्षको दोस्रो त्रैमासमा ४७ करोड ३२ लाख रुपैयाँ छ ।

कम्पनीको नाफा बढेसँगै प्रतिसेयर आम्दानी पनि बढेको छ । वार्षिक प्रतिसेयर आम्दानी १२ रुपैयाँ ५ पैसा छ । त्यस्तै कम्पनीको प्रतिसेयर नेटवर्थ १४७ रुपैयाँ ३० पैसा छ । कुल १० अर्ब चुक्ता पूँजी रहेको यस कम्पनीले ४ प्रतिशत बोनस सेयर घोषणा गरिसकेको छ । साथै बोनस सेयरपश्चात कम्पनीले ८० प्रतिशत हकप्रद सेयर निष्कासन गर्नेगरी आगामी साधारणसभामा प्रस्ताव लैजाँदै छ ।