काठमाडौं। नवनियुक्त अर्थमन्त्री वर्षमान पुनले लगानी कर्तालाई सेयर बजारमा ढुक्कका साथ लगानी गर्न आग्रह गरेका छन्। संचारकर्मीसंग कुराकानी गर्दै उनले यसो भनेका हुन्।
नेपाली सेयर बजारमा पहिलाजस्तो समस्या नरहेकाले ढुक्कका साथ लगानी गर्नपर्ने पुनको भनाई छ।
काठमाडौं । नेपालमा नयाँ स्टक एक्सचेन्ज आवश्यक रहे/नरहेको अध्ययन गर्न सरकारले अध्ययन समिति गठन गरेको छ। नेपाल राष्ट्र बैंकका पूर्व डेपुटी गभर्नर चिन्तामणि सिवाकोटीको संयोजकत्वमा सरकारले उक्त समिति गठन गरेको हो।
गठन भएको समितिमा अधिवक्ता सिजन गुरागाईँ र चार्टर्ड एकाउन्टेन्ट सुजनकुमार आचार्य सदस्य छन्। उक्त समिति मंगलबार बसेको मन्त्रिपरिषद्को बैठकले गठन गरेको हो।
गठित समितिले देश/विदेशको अभ्यासको अध्ययन गर्दै सरकालाई सुझाव प्रतिवेदन दिनु पर्ने छ। गठित समितिलाई ४५ दिन भित्र उक्त अध्ययन गरिसक्न सरकारले निर्देशन गरेको छ।
काठमाडौं । एनसेलको पछिल्लो शेयर खरिद बिक्री सम्झौता कार्यान्वयन नगर्नु भन्ने अल्पकालिन अन्तरिम आदेशलाई उच्च अदालत पाटनले निरन्तरता दिएको छ ।
न्यायाधीशहरु शालिग्राम कोइराला र श्यामकुमार भट्टराईको इजलासले कानूनी व्यवस्थाको परिपालना र स्वामित्व परिवर्तनको विषय देखिएको भन्दै अल्पकालीन अन्तरिम आदेशलाई निरन्तरता दिएको हो ।
उच्च अदालत पाटनले रिट निवेदनको अन्तिम किनारा नलाग्दासम्म अन्तरिम आदेशले निरन्तरता पाउने भनेको छ । उच्च अदालतले संवेदनशील विषयवस्तु रहेको भन्दै मुद्दालाई अग्राधिकारमा राख्न आदेश समेत दिएको छ ।
काठमाडौं । साताको पहिलो कारोबार दिन आज नेप्से परिसूचक दोहोरो अंकले घटेर बन्द भएको छ । नेप्से परिसूचक २५.६३ अंकले घटेर २१३०.१८ विन्दुमा कायम भएको हो । सेन्सेटिभ इण्डेक्स १.८८ प्रतिशतले घटेको छ ।
आज ३०८ स्क्रिप्सको २ करोड २८ लाख २० हजार २७९ कित्ता सेयर ७ अर्ब ६७ करोड ७७ लाख ४० हजार ५८ रुपैयाँमा खरिदबिक्री भए । दोहोरो अंकले ओरालो लागेको बजारमा आँखु खोला जलविद्युत,समाज लघुवित्त वित्तीय,हिमालयन लघुवित्त,मिड सोलु हाइड्रोपावर र शिव श्री हाइड्रोपावर कमाउने शीर्ष पाँचभित्र परे ।
यसदिन सीईडीबी हाइड्रोपावर डेभलपमेन्टका लगानीकर्ताले भने गुमाए । सो कम्पनीको सेयर मूल्य ८.२७ प्रतिशतले घट्यो। कारोबार रकमका आधारमा हिमालयन रिइन्स्योरेन्स शीर्षस्थानमा रह्यो। सो कम्पनीको ५६ करोड बढी मूल्यको सेयर कारोबार भयो ।
हिमाल दोलखा हाइड्रोपावरको २२ करोड,अपी पावरको २० करोड,नेपाल रिइन्स्योरेन्सको २० र सोनापुरको १९ करोड बढी मूल्यको सेयर कारोबार भयो । १३ वटा उपसमूहमध्ये ११ को सूचक घट्दा दुईवटाको मात्रै बढ्यो। हाइड्रोपावरको ०.२० र अदर्श उपसमूहको सूचक १.३८प्रतिशतले बढेको हो । ११७ कम्पनीको मूल्य घट्दा ६४ वटाको मात्रै मूल्य बढ्यो भने ६ कम्पनीको मूल्य स्थिर रह्यो ।
काठमाडौं । नेपाल स्टक एक्सचेन्ज (नेप्से)को कारोबार प्रणाली फेरि ३ दिन बन्द रहने भएको छ ।
नेप्सेले आज एक सूचना जारी गर्दै नेप्सेको कारोबार प्रणाली फेरि ३ दिन बन्द रहने जनाएको छ । आज पुस ४ गते साँझ ५ बजेदेखि पुस ६ गते राति ११ बजेसम्म नेप्सेको कारोबार प्रणाली बन्द रहने सूचनामा उल्लेख छ ।
दोस्रो चरणको विद्युत मर्मत तथा सम्भारसम्बन्धी कार्यका लागि नेप्सेको कारोबार प्रणाली बन्द गर्न लागिएको सूचनामा जानकारी गराइएको छ ।
विद्युत मर्मतसम्भार कार्यका लागि यसअघि पनि गत पुस २६ गते साँझ ५ बजेदेखि पुस २८ गते राति ११ बजेसम्म नेप्सेको कारोबार प्रणाली बन्द गरिएको थियो ।
नयाँ दिल्ली । बुधबार भारतीय सेयर बजारमा पहिरो गएको छ । विश्व सेयर बजार ओरालो लागेसँगै भारतमा दलाल स्ट्रिटमा व्यापक कमी आएको हो ।
३० कम्पनीको सेयर सूचिकृत बीएसई सेन्सेक्स उक्त दिन १ हजार ६२८ अङ्कले घटेर ७१ हजार ५०० मा ओर्लिएको थियो । अघिल्लो दिनको तुलनामा यो कमी २ दशमलव २३ प्रतिशत थियो । बृहत् एनएसई निफ्टी ४६० अङ्क अर्थात् २ दशमलव शून्य ९ प्रतिशतले घट्दै २१ हजार ५७२ अङ्कमा आएको थियो । सेन्सेक्समा बुधबार देखिएको यो एक दिने कमी गएको १६ महिनायताकै सबैभन्दा खराब थियो । बुधबार बीएसईमा सूचिकृत कम्पनीहरूको कूल बजार पुँजीकरण ४५ खर्ब ३० अर्ब भारुले घटेर ३ हजार ७०४ खर्ब २० अर्ब भारुमा आएको थियो । उक्त दिन सेन्सेक्समा सूचिकृत एचडीएफसी बैंकको सेयर साढे ५ प्रतिशतले घटेपछि समग्र सूचक दबाबमा आएको हो ।
विश्वका प्रमुख केन्द्रीय बैंकहरुले पुनः ब्याजदर बढाउन थाल्ने अनुमान बलियो बनेपछि बुधबार विश्व सेयर बजार पनि रक्ताम्मे बनेको थियो । चीनको आर्थिक पुनर्बहाली अनियमित रहेको सङ्केतले पनि सेयर बजार दबाबमा आएको हो । सन् २०२३ मा चीनको अर्थतन्त्र ५ दशमलव २ प्रतिशतले मात्रै बढेको सरकारी तथ्याङ्कले देखाएको छ । वृद्धिको यो दर अर्थशास्त्रीहरूले सोचेको भन्दा निकै कमजोर हो । घरजग्गा बजारमा जारी सङ्कट, अपस्फीतिको बढ्दो जोखिम र सुस्त मागका कारण यो वर्ष चीनको आर्थिक परिदृश्य धूमिल बनेको छ ।
बुधबार कारोबार बन्द हुँदा चीनमा शाङ्हाई कम्पोजिट २ दशमलव १३ प्रतिशतले घटेको थियो । हङकङमा हाङ्शेङ ३ दशमलव ८६ प्रतिशतले घट्दा दक्षिण कोरियाको कोस्पी परिसूचकमा पनि २ दशमलव ५३ प्रतिशत तल आएको थियो । सिंगापुर, थाइल्यान्ड, इन्डोनेसिया, ताइवान लगायत एसिया क्षेत्रका मुख्य सेयर बजार पनि रातोमै थिए । यो समाचार तयार पार्दाखेरि नेपाली समयअनुसार साँझ ५ बजे युरोप पनि रक्ताम्मे थियो । बेलायतमा फुट्सी १ दशमलव ५ प्रतिशतले घटेको थियो । फ्रान्स र जर्मनीमा क्याक४० र डीएएक्स पनि क्रमशः १ दशमलव १३ प्रतिशत र १ दशमलव शून्य १ प्रतिशत तल आएको थियो ।
बुधबार कमोडिटिज बजारमा सुनको भाउ शून्य दशमलव ११ प्रतिशतले घटेर प्रतिऔँस २ हजार २५ डलर १६ सेन्टमा आएको थियो । अमेरिकी बेञ्चमार्क यूएस क्रु २ दशमलव २९ प्रतिशतको कमी सहित प्रतिब्यारेल ७० डलर ७१ सेन्टमा आउँदा अन्तर्राष्ट्रिय बेञ्चमार्क ब्रेन्ट क्रुड पनि १ दशमलव ७० प्रतिशतले घटेर ७६ डलर ७५ सेन्टमा ओर्लिएको थियो ।
काठमाडौं । यति ब्रुअरी लिमिटेडले बुक बिल्डिङ विधि मार्फत साधारण शेयर निष्कासन गर्नको लागि एनआइएमबि एस क्यापिटल लिमिटेड, लाजिम्पाट, काठमाडौँलाई धितोपत्र निष्कासन तथा बिक्री प्रबन्धकमा नियुक्त गरेको छ ।
उक्त शेयर निष्कासन सम्बन्धी सम्झौता पत्रमा यति ब्रुअरी लिमिटेडका तर्फबाट प्रबन्ध सञ्चालक सञ्जीव सर्राफ र एनआइएमबि एस क्यापिटल लिमिटेडका तर्फबाट महाप्रबन्धक सचिन्द्र ढुङ्गानाले हस्ताक्षर गरेका हुन् । अटल कम्प्लेक्स उत्तरढोका, लाजिम्पाट, काठमाडौँमा रजिस्टर्ड कार्यालय रहेको यति ब्रुअरी लिमिटेडको ब्रुअरी फ्याक्ट्री खैरहनी नगरपालिका वडा नं. ४ चितवन जिल्लामा अवस्थित छ ।
यति ब्रुअरी लिमिटेडले हाल अर्ना, यति, वाईबी, शिखरलगायत किंगफिसरजस्ता चर्चित ब्राण्डका बियर बोतल तथा क्यानमा उत्पादन गरी बिक्री वितरण गर्दै आएको छ ।
काठमाडौं । निरन्तर बढिरहेको शेयर बजार आज दोहोरो अंकले ओरालो झरेको छ । आज नेप्से बढेर २२१५ अंकमा पुगे पनि बजार बन्द हुँदा घटेर बन्द भएको हो ।
नेपाल स्टक एक्सचेञ्ज लिमिटेड (नेप्से) का अनुसार आज बजार १२.१० अंकले घटेको हो । ०.५५ प्रतिशतले बजार घट्दा नेप्से २१६३.०६ अंकमा ओर्लिएको छ ।
आज नेप्से तल झरे पनि कारोबार रकम भने बढेको छ । ३०० कम्पनीका ३ करोड ३५ लाख २५ हजार ७ सय २ कित्ता शेयर किनबेच हुँदा ९ अर्ब ७६ करोड ८९ लाख ६९ हजार ८ सय ६८.६१ रुपियाँ बराबरको कारोबार भएको हो ।
समग्रमा बजार घटे पनि ग्लोबल आईएमई लघुवित्त, नेपाल वायरहाउजिङ, हिमालयन रि–इन्स्योरेन्स र गरिमा बैंकको ऋणपत्र २०८५ का लगानीकर्ताले क्रमशः १०, १०, ९.९९ र ९.८९ प्रतिशतले नाफा कमाएका छन् ।
त्यस्तै इस्टर्न हाइड्रो, भूगोल इनर्जी र मुक्तिनाथ कृषि कम्पनीका लगानीकर्ताहरुले क्रमशः १०, १० र ९.९५ प्रतिशतले घाटा व्यहोरेका छन् ।
आज ‘हिमालयन रि’को उच्च कारोबार भएको छ । उक्त कम्पनीको ६५ करोड ८४ लाख ९० हजार २ सय ८५.५० रुपियाँ बराबरको कारोबार भएको नेप्सेले जनाएको छ ।
साताको पहिलो दिन आइतबार बजार ३१.६२ अंकले बढ्दा ५ अर्ब ४५ करोड रुपियाँ र हिजो मंगलबार ५४.५४ अंकले बजार बढ्दा ८ अर्ब २ करोड ३८ लाख ६२ हजार ४ सय ६।६९ रुपियाँ बराबरको कारोबार भएको थियो । सोमबार भने माघे संक्रान्तिको बिदाका कारण बजार बन्द रह्यो ।
काठमाडौं । बुधबार साढे १२ बजे सेयर बजारले २२ सय अंक नाघेको छ । लगानीकर्ताले प्रतिरोधकका रुपमा २२ सय अंकलाई लिँदै आएकोमा कारोबार भइरहँदा यो अंक पार गरेको हो ।
परिसूचक नेप्से बुधबार १२: ३० बजे अघिल्लो दिनको तुलनामा ३२ अंक बढेर २२०७ अंकमा कायम भएको हो । सो समयसम्म कुल ३ अर्ब ३० करोड रुपैयाँ बराबरको कारोबार भएको छ । १६१ कम्पनीको मूल्य बढ्दा ८४ को घटेको छ भने १ को स्थिर रहेको छ ।
साढे १२ बजेसम्म बैंकिङ १.५, विकास बैंक ३.७, फाइनान्स १.४, होटल ०.७, हाइड्रोपावर ०.५, जीवन बीमा १.०, उत्पादन ०.३, माइक्रोफाइनान्स १.३, निर्जीवन बीमा १.५, अन्य ३.५ र ब्यापार समूह ०.८ प्रतिशतले बढेका छन् । नेपाल वेयरहाउजिङ, हिमालयन रिइन्स्योरेन्स र माथिल्लो तामाकोसीको मूल्य १० प्रतिशत बढेकोछ ।
काठमाडौं । दोस्रो बजारमा सेयर कारोबारका लागि अनलाइन प्रणााली ट्रेड म्यानेजमेन्ट सिस्टम (टीएमएस) खोल्नेको संख्या १९ लाख २ हजार ४७७ पुगेको छ । नेपाल स्टक एक्स्चेन्जका अनुसार मंगलबारसम्म ब्रोकर कार्यालयहरुमार्फत सो संख्याले टीएमएसको युजरनेम र पासवर्ड लिएका छन् । २०७९ वैशाखमा टीएमएस खोल्नेको संख्या १२ लाख ३५ हजार थियो ।
हाल दैनिक ७० देखि ७५ हजारले टीएमएस ‘लगइन’ गर्ने गरेको स्टक एक्स्चेन्जका प्रवक्ता मुराहरि पराजुलीले जानकारी दिए । धितोपत्र खरिदबिक्रीका लागि लगानीकर्तालाई ब्रोकर तथा नेप्सेको प्रणालीमा जोड्ने विद्युतीय माध्यम टीएमएस हो । टीएमएसबाट लगानीकर्ताले खरिद तथा विक्री आदेश प्रविष्ट गर्न सक्छन् ।
टीएमएसमा आवद्ध हुनका लागि पहिले ब्रोकर कार्यालयमा गई खाता खोल्नुपर्छ । लगानीकर्ताले सेयर ब्रोकर मार्फत टिएमएसको युजरनेम र वासवर्ड लिएपछि मात्रै दोस्रो बजारमा सजिलै विभिन्न धितोपत्रहरु किन्न वा बेच्न सकिन्छ । आईपीओ परेपछि सो बिक्रीका लागि पनि टीएमएसको युजरनेम र पासवर्ड लिएर लगइन गरी सो प्रणालीमार्फत मात्रै बिक्री गर्न पाइन्छ ।
Lorem ipsum dolor sit amet, consect etur adipiscing elit. Ut elit tellus, luctus nec ullamcorper mattis.
