378
काठमाडौं । त्रिकोणात्मक टी–२० सिरिजको उपाधिका लागि नेपाल र नेदरल्याण्ड्स खेल्ने भएका छन् ।
आइतबार नामिबिया र नेदरल्याण्ड्सबीचको खेल वर्षाका कारण रद्द भएसँगै नेपाल र नेदरल्याण्ड्सले उपाधिका लागि खेल्ने भएका हुन् । नामिबियासँग अंक बाँडेसँगै नेदरल्याण्ड्सले सबैभन्दा बढी ५ अंक जोड्यो ।
यस्तै, दोस्रो स्थानमा रहेको नेपालले ४ खेलबाट ४ अंक जोड्यो । तेस्रोमा रहेको नामिबियाले ४ खेलमा ३ अंक प्राप्त गर्यो । नेपाल र नेदरल्याण्ड्सको फाइनल खेल मंगलबार हुने तालिका छ ।