२०८१ बैशाख ७
Home Uncategorized त्रिकोणात्मक टी-२० सिरिजको फाइलनमा नेपाल र पिएनजी

त्रिकोणात्मक टी-२० सिरिजको फाइलनमा नेपाल र पिएनजी

by laganisutra

काठमाडौं । त्रिकोणात्मक अन्तरराष्ट्रिय टी–२० शृंखलाअन्तर्गत आजै (मंगलवार) भएको दोस्रो खेलमा पपुवा न्युगिनीले हङकङलाई पराजित गर्दै फाइनलमा नेपालसँग भिड्ने भएको छ। आज भएको पहिलो खेलमा पपुवा न्युगिनीलाई ८५ रनले हराउँदै नेपाल फाइनल पुगेको थियो।

हङकङको मोङकोकस्थित मिसन रोड क्रिकेट मैदान भएको दोस्रो खेलमा पपुवा न्युगिनीले घरेलु टोली हङकङलाई १० विकेटले पराजित गर्‍यो। जितसँगै पपुवा न्युगिनीले २ खेलबाट २ अंक जोड्यो। हङकङ २ खेलबाट १ अंकका साथ फाइनल पुग्नबाट वञ्चित भयो। २ खेल खेलेको नेपालले ३ अंक जोड्दै शीर्षमा रहेर फाइनल पुगेको हो।

यसअघि भएको नेपाल र हङकङबीचको पहिलो खेल वर्षाका कारण रद्द भएको थियो। नेपाल-पपुवा न्युगिनीबीचको फाइनल खेल भोलि (बुधवार) हुनेछ। हङकङले जितका लागि दिएको १२२ रनको लक्ष्य पपुवा न्युगिनीले १२ ओभर ४ बलमा कुनै विकेट नै नगुमाइ पूरा गर्‍यो।

पपुवा न्युगिनीका लागि सेसे बाउले ४३ बलमा ६ चौका र १ छक्काको मद्दतमा अविजित ६१ रनको योगदान दिए। टोनी उराले ३३ बलमा ५ चौका र २ छक्काको मद्दतले अविजित ५१ रन बनाए। टस हारेर पहिला ब्याटिङ गरेको हङकङले १८ ओभर ३ बलमा सबै विकेट गुमाउँदै १२१ रनमात्र बनाएको थियो।

हङकङका लागि जिसान अलीले २९ बलमा ६ चौका र १ छक्काको मद्दतले ५५ रन बनाए। नस्रुल राना र एहसान खानले १६/१६ रन जोडे भने बाबर हयातले १२ रन बनाए। पपुवा न्युगिनीका काबुआ मोरिया, अली नाओ, कप्तान असद भाला र सेसे बाउले २/२ विकेट लिए।

You may also like

Leave a Comment

Our Company

Lorem ipsum dolor sit amet, consect etur adipiscing elit. Ut elit tellus, luctus nec ullamcorper mattis.

Newsletter

Laest News

@2024 – All Right Reserved. Designed and Developed by VolcusSoft

Adblock Detected

Please support us by disabling your AdBlocker extension from your browsers for our website.