काठमाडौं । त्रिकोणात्मक टी–२० सिरिजको पहिलो खेलमा नेपालले हङकङविरुद्ध टस जितेर बलिङ गर्ने भएको छ । नेपालका कप्तान रोहित पौडेलले टस जितेर पहिला बलिङ गर्ने निर्णय गरेका हुन् ।
योसँगै हङकङले पहिला ब्याटिंग गर्ने भएको छ । नेपाल, हङकङ र पिएनजीबीच हुने यस सिरिजको पहिलो खेलमा आज नेपाल र हङकङ खेल्दै छन् ।
नेपाली प्लेइङ ११ ः रोहित पौडेल (कप्तान), कुशल भुर्तेल, विनोद भण्डारी, गुलशन झा, सन्दीप जोरा, आरिफ सेख, विवेक यादव, लोकेश बम, करण केसी, प्रतिस जिसी र अविनाश बोहरा ।
यस त्रिकोणात्मक टी–२० सिरिजको दोस्रो खेल मार्च १२ मा पिएनजी र नेपाल पहिलो खेलमा खेल्ने छन् भने सोहि दिन दोस्रो खेलमा हङकङ र पिएनजी खेल्ने छन् । मार्च १३ मा त्रिकोणात्मक टी–२० सिरिजको फाइनल खेल हुने छन् भने फाइनलमा नपुग्ने देशले हङकङ ए सँग तेस्रो स्थानको लागि खेल्ने छ ।
यो समाचार तयार पार्दासम्म हङकङले पाँच ओभरमा १ विकेट गुमाएर ४३ रन बनाएको छ । हङकङको पहिलो विकेट नेपालका अनूभवी बलर करण केसले खेलको पहिलो बलमै लिएका हुन् । त्यस्तै, अहिले यी दुई टिमबीचको खेल वर्षाका कराण केही समयका लागि रोकिएको छ ।