काठमाडौं । चालु आर्थिक वर्षको दोस्रो त्रैमाससम्म आइपुग्दा सिक्लेस हाइड्रोपावरको खुद नाफा ०.२७ प्रतिशतले बढेर ६ करोड २९ लाख ६४ हजार रुपैयाँ पुगेको छ । अघिल्लो वर्षको यसैअवधिमा यसले ६ करोड २७ लाख ९२ हजार रुपैयाँ नाफा कमाएको थियो । विद्युत् बिक्रीबाट हुने आम्दानी सामान्य बढेको कारण खुद नाफामा पनि सामान्य वृद्धि भएको हो ।
विद्युत् बिक्रीबाट हुने आम्दानी १.३० प्रतिशतले बढेर १९ करोड ५८ लाख ४१ हजार रुपैयाँ पुगेको छ । अघिल्लो वर्षको यसैअवधिमा यसले १९ करोड ३३ लाख ३० हजार रुपैयाँ विद्युत् बिक्रीबाट आम्दानी गरेको थियो । यता, कम्पनीले भने कर्जाको ब्याजदर बढेको कारण नाफा बढ्न नसकेको जनाएको छ ।
पुस मसान्तसम्म आइपुग्दा सिक्लेस हाइड्रोपावरको प्रतिसेयर आम्दानी १४ रुपैयाँ ८२ पैसा र प्रतिसेयर नेटवर्थ १०९ रुपैयाँ ८३ पैसा छ । चुक्ता पुँजी ८५ करोड छ । जगेडा कोषमा ८ करोड ३५ लाख छ ।