२०८१ जेष्ठ १२
Home Business सञ्चालन खर्च बढ्दा चिलिमे हाइड्रोपावरको नाफा घट्यो

सञ्चालन खर्च बढ्दा चिलिमे हाइड्रोपावरको नाफा घट्यो

by laganisutra

काठमाडौं । चिलिमे हाइड्रोपावर कम्पनीको खुद नाफा साढे ५ प्रतिशत घटेको छ । कम्पनीले सार्वजनिक गरेको दोस्रो त्रैमासिक वित्तीय विवरणअनुसार साउनदेखि पुस मसान्तसम्म कम्पनीले ३७ करोड ९१ लाख रुपैयाँ खुद नाफा कमाएको छ ।

गत वर्षको यसै अवधिमा ४० करोड १२ लाख रुपैयाँ कमाएको थियो । यो नाफा १ प्रतिशत सामाजिक उत्तरदायित्व छुट्याउनुअघिको हो । कम्पनीको नाफा घट्नुमा विद्युत् बिक्रीवापत हुने आम्दानी सामान्य घट्नु र हाइड्रोइलेक्ट्रिक प्लान्ट सञ्चालन खर्च बढ्नु मुख्य कारण देखिन्छ ।

कम्पनीले चालु आर्थिक वर्षको दोस्रो त्रैमासमा विदुत् बिक्रीवापत ६१ करोड २० लाख रुपैयाँ खुद नाफा कमाएको छ, गत वर्षको यसै अवधिमा यस्तो आम्दानी ६२ करोड ४८ लाख रुपैयाँ थियो ।

त्यस्तै प्लान्ट सञ्चालन खर्च गत आर्थिक वर्षको दोस्रो त्रैमासमा ४ करोड ४४ लाख रुपैयाँ रहेकोमा यो वर्षको सोही अवधिमा बढेर ६ करोड ४० लाख रुपैयाँ पुगेको देखिन्छ । कम्पनीको वार्षिक प्रतिसेयर आम्दानी ९ रुपैयाँ ४० पैसा छ, कम्पनीको प्रतिसेयर नेटवर्थ १३१ रुपैयाँ ८० पैसा छ ।

You may also like

Leave a Comment

Our Company

Lorem ipsum dolor sit amet, consect etur adipiscing elit. Ut elit tellus, luctus nec ullamcorper mattis.

Newsletter

Laest News

@2024 – All Right Reserved. Designed and Developed by VolcusSoft

Adblock Detected

Please support us by disabling your AdBlocker extension from your browsers for our website.