२०८१ असार ११
Home Business सिटिजन लाइफ इन्स्योरेन्सको नाफा बढ्यो

सिटिजन लाइफ इन्स्योरेन्सको नाफा बढ्यो

by laganisutra

काठमाडौं । सिटिजन लाइफ इन्स्योरेन्सले चालु आर्थिक वर्षको दोस्रो त्रैमासिक वित्तीय विवरण सार्वजनिक गरेको छ । सार्वजनिक वित्तीय विवरणअनुसार कम्पनीको खुद नाफा गत वर्षको सोही अवधिको तुलनामा २.७ प्रतिशत बढेको छ ।

अपरिस्कृत वित्तीय विवरणअनुसार कम्पनीले चालु आर्थिक वर्षको दोस्रो त्रैमास (साउनदेखि पुस मसान्तसम्म) १२ करोड ३६ लाख रुपैयाँ खुद नाफा कमाएको छ । गत वर्ष यसै अवधिमा यस्तो नाफा १२ करोड ३ लाख रुपैयाँ थियो ।

कम्पनीको वार्षिक प्रतिसेयर आम्दानी ६ रुपैयाँ ६० पैसा छ । गत वर्ष यस्तो आम्दानी १३ रुपैयाँ ७६ पैसा थियो । सर्वसाधारणमा सेयर जारी भएर चुक्ता पूँजी बढेसँगै प्रतिसेयर आम्दानी घटेको हो । कम्पनीको चुक्ता पूँजी ३ अर्ब ७५ करोड रुपैयाँ पुगेको छ । यो पछिबाट खुलेको जीवन बीमा कम्पनी हो । बीमा कम्पनीहरुले ५ अर्ब रुपैयाँ चुक्ता पूँजी पुर्‍याउनुपर्ने व्यवस्थाअनुरुप यस कम्पनीलाई अझै १ अर्ब २५ करोड रुपैयाँ चुक्ता पूँजी बढाउनुपर्ने बाध्यता छ ।

चालु वर्षको दोस्रो त्रैमासमा कम्पनीले प्रिमियमवापत कुल २ अर्ब ७३ करोड रुपैयाँ संकलन गरेको छ । गत वर्ष यस अवधिमा प्रिमियम रकम २ अर्ब ६६ करोड रुपैयाँ थियो ।

You may also like

Leave a Comment

Our Company

Lorem ipsum dolor sit amet, consect etur adipiscing elit. Ut elit tellus, luctus nec ullamcorper mattis.

Newsletter

Laest News

@2024 – All Right Reserved. Designed and Developed by VolcusSoft

Adblock Detected

Please support us by disabling your AdBlocker extension from your browsers for our website.