२०८१ असार ११
Home Business लाभांशको रूपमा छ महिनामा १ अर्ब ५३ करोड बाहिरियो

लाभांशको रूपमा छ महिनामा १ अर्ब ५३ करोड बाहिरियो

by laganisutra

काठमाडौं । चालु आर्थिक वर्षको छ महिना १ अर्ब ५३ करोड रुपैयाँ लाभांशको रूपमा बाहिरिएको छ । फरेन डाइरेक्ट इन्भेस्टमेन्ट (एफडीआई) को रूपमा भित्रिएका विदेशी कम्पनीहरूको लगानीबाट खुलेका कम्पनी, उद्योग तथा फर्महरूमार्फत पुस मसान्तसम्म कूल १ अर्ब ५३ करोड ६५ लाख ३० हजार रुपैयाँ मुनाफा बाहिरिएको उद्योग विभागले जनाएको हो ।

यस्तो मुनाफा अघिल्लो आर्थिक वर्ष २०७९÷८० को सोही अवधिमा १० अर्ब ९९ करोड ८९ लाख ९ हजार रुपैयाँ बाहिरिएको थियो । तुलनात्मक रूपमा यो वर्ष ८६.०३ प्रतिशतले मुनाफामा गिरावट आएको हो । यद्यपि अघिल्लो वर्षको तुलनामा यो वर्ष लगानी प्रतिबद्धता भने बढ्न पुगेको छ ।

उद्योग विभागका अनुसार चालु आर्थिक वर्षको पुस मसान्तसम्ममा २ सय २६ वटा परियोजनाका लागि २२ अर्ब ३३ करोड ६५ लाख १७ हजार रुपैयाँ बराबरको लगानी प्रतिबद्धता आएको छ । सोमध्ये २८ परियोजनाका लागि ४ अर्ब १ करोड ३ लाख ९ हजार रुपैयाँ सेयर खरिद तथा साझेदारीबापत प्रतिबद्धता आएको छ भने ३१ परियोजना प्रविधि हस्तान्तरणसम्बन्धी सेवा क्षेत्रमा आएको छ ।

औद्योगिक क्षेत्रमा हालसम्म ६ हजार ८५ परियोजनाका लागि ४ खर्ब ७२ अर्ब ३० करोड ५४ लाख ३८ हजार रुपैयाँ विदेशी लगानी प्रतिबद्धता पुगेकोसमेत विभागले जनाएको छ । यस्तो लगानीमार्फत ३ लाख २१ हजार २६४ जनालाई रोजगारी प्रदान गरिएका समेत विभागको तथ्याङ्कमा उल्लेख गरिएको छ ।

You may also like

Leave a Comment

Our Company

Lorem ipsum dolor sit amet, consect etur adipiscing elit. Ut elit tellus, luctus nec ullamcorper mattis.

Newsletter

Laest News

@2024 – All Right Reserved. Designed and Developed by VolcusSoft

Adblock Detected

Please support us by disabling your AdBlocker extension from your browsers for our website.