२०८० फाल्गुन १७
Home Business चन्द्रागिरि हिल्सको सेयर मूल्यमा उच्च उतारचढाव

चन्द्रागिरि हिल्सको सेयर मूल्यमा उच्च उतारचढाव

by laganisutra

काठमाडौं । चन्द्रागिरि हिल्सको सेयर मूल्यमा मंगलबार उच्च उतारचढाव देखिएको छ । कम्पनीको मूल्यमा एकै दिन प्रतिकित्ता १५३.१ रुपैयाँ अर्थात् १९ प्रतिशत उतारचढाव देखिएको छ ।

विशेषतः संस्थापक समूह र प्रभावित स्थानीयले पाएको यस कम्पनीको सेयरमा ‘लकइन’ अवधि सकिएसँगै मंगलबारदेखि कारोबार फुकुवा भएको हो । जसले गर्दा कम्पनीको मूल्य घट्न सक्ने धेरैको अनुमान थियो । कारोबार भइरहँदा कम्पनीले सो संकेत पनि देखाएको थियो ।

अघिल्लो दिन कम्पनीको सेयर मूल्य प्रतिकित्ता ८६३ रुपैयाँमा बन्द भएको थियो । मंगलबार कारोबार हुँदा कम्पनीको मूल्य ७९६ रुपैयाँ २० पैसासम्म झर्‍यो । अन्ततः बजार बन्द हुँदा भने कम्पनीको मूल्य प्रतिकित्ता ९४९ रुपैयाँ ३० पैसामा पुग्यो । जुन मूल्य अघिल्लो दिनको तुलनामा १० प्रतिशत बढी हो ।

कम्पनीको संस्थापकको १ करोड ३५ लाख कित्ता, प्रभावित स्थानीयबासीको ३ लाख ६ हजार ८१९ कित्ता र कर्मचारीको ६१ हजार ३६४ कित्ता सेयरमा लकइन अवधि सकिएको छ ।

कुल १ करोड ३८ लाख ६८ हजार १८३ कित्ता सेयर कारोबारका लागि मंगलबारदेखि फुकुवा भएको हो । लकइन अवधि सकिएपछि साधारणसरह उहीं मूल्यमा, उहीं कोड नामबाट कारोबार गर्न सकिन्छ । कम्पनीको कुल १ करोड ५३ लाख ४० हजार ९१० कित्ता सेयर सूचीकृत छ ।

You may also like

Leave a Comment

Our Company

Lorem ipsum dolor sit amet, consect etur adipiscing elit. Ut elit tellus, luctus nec ullamcorper mattis.

Newsletter

Laest News

@2024 – All Right Reserved. Designed and Developed by VolcusSoft

Adblock Detected

Please support us by disabling your AdBlocker extension from your browsers for our website.