२०८० फाल्गुन १७
Home Business ज्योति विकास बैंकको नाफा झण्डै तीन गुणाले बढ्यो

ज्योति विकास बैंकको नाफा झण्डै तीन गुणाले बढ्यो

by laganisutra

काठमाडौं । ज्योति विकास बैंकले नाफामा आकर्षक बढोत्तरी गरेको छ । बैंकको नाफा झण्डै तीन गुणा बढेको छ । बैंकले हालै प्रकाशित गरेको चालु आर्थिक वर्ष २०८०र८१ को दोस्रो त्रैमासिक वित्तीय विवरणले यस्तो देखाएको हो ।

समिक्षा अवधिमा बैंकको नाफा २।९० गुणाले बढेर १० करोड १० लाख ३४ हजार रुपैयाँ पुगेको छ । गत आवको दोस्रो त्रैमासमा भने बैंकको खुद नाफा ३ करोड ४७ लाख रुपैयाँ मात्रै थियो ।

विशेषगरि बैंकको संचालल नाफामा आएको बढोत्तरीले नै खुद नाफामा छलाङ मारेको हो । सो अवधिमा बैंकको संचाल नाफा १९६।७३ प्रतिशत अर्थात् ४ करोड ९६ लाख रुपैयाँबाट बढेर १४ करोड ७३ लाख रुपैयाँ पुगेको छ । तर, बैंकको खुद ब्याज आम्दानी भने सामान्य अर्थात् २।३६ प्रतिशतको गिरावट देखिएको छ । चालु आवको ६ महिनामा बैंकले १ अर्ब १२ करोड ४२ लाख रुपैयाँ ब्याज आम्दानी गरेको छ । समिक्षा अवधिमा बैंकको वितरणयोग्य नाफा २४ करोड ८४ लाख ९५ हजार रुपैयाँ पुगेको छ ।

हाल बैंकको चुक्ता पुँजी ४ अर्ब ३९ करोड ५७ लाख रुपैयाँ पुगेको छ। जगेडा तथा कोषको आधार पनि २२।८६ प्रतिशत बढेर १ अर्ब ६९ करोड ९५ लाख रुपैयाँ पुगेको छ । बैंकको खराब कर्जा भने बढेर ४।८६ प्रतिशत पुगेको छ ।

यता, बैंकको प्रतिसेयर आम्दानी पनि २ रुपैयाा ९७ पैसाले बढेर ४ रुपैयाँ ६० पैसा कायम भएको छ । बैंकको प्रतिसेयर नेटवर्थ भने १३३ कायम भएको छ । सो अवधिमा बैंकले ६० अर्ब २२ करोड ५० लाख रुपैयाँ निक्षेप संकलन गरि ५० अर्ब ८० करोड ९७ लाख रुपैयाँ कर्जा लगानी गरेको छ ।

You may also like

Leave a Comment

Our Company

Lorem ipsum dolor sit amet, consect etur adipiscing elit. Ut elit tellus, luctus nec ullamcorper mattis.

Newsletter

Laest News

@2024 – All Right Reserved. Designed and Developed by VolcusSoft

Adblock Detected

Please support us by disabling your AdBlocker extension from your browsers for our website.