२०८१ असार ६
Home EconomyNational मन्त्री राईले गरे सम्पत्ति विवरण सार्वजनिक, कति छ उनको सम्पत्ति ?

मन्त्री राईले गरे सम्पत्ति विवरण सार्वजनिक, कति छ उनको सम्पत्ति ?

by laganisutra

विराटनगर । कोशी प्रदेशका आन्तरिक मामिला तथा कानुनमन्त्री शम्शेर राईले सम्पत्ति विवरण सार्वजनिक गरेका छन् । उनले इलामको रोङ गाउँपालिका वडा नम्बर ४ र ६ का ५ ठाउँमा जग्गा देखाएका छन् । यसैगरी १० तोला सुन र ६२ हजार बैंक मौज्दात पनि रहेको उनले उल्लेख गरेका छन् ।

सहारा नेपाल बचत तथा ऋण सहकारी संस्थामा आफ्नो परिवारको सदस्य मालती राईको नाममा १ लाख ५० हजार रुपैयाँ बराबरको शेयर पुँजी रहेको उनको सम्पत्ती विवरणमा उल्लेख छ । उनले यावा अलैंची खेती तथा नर्सरी र यावा बाख्रा र्फम पनि सञ्चालन गरिरहेका छन् ।

यसैगरी वन, पर्यटन तथा वातावरणमन्त्री गणेश उप्रेतीले दुई वटा घडेरी, १० तोला सुन र २० तोला चाँदी रहेको विवरण पेश गरेका छन् । यसैगरी परिवारको नाममा २ लाख ७८ हजार रुपैयाँ नगद बैंकमा बचत रहेको र ३९ लाख ५० हजार ऋण रहेको मन्त्री उप्रेतीले उल्लेख गरेका छन् ।

यस्तै भौतिक पूर्वाधार विकासमन्त्री कमलप्रसाद जबेगुले पाँचथरको फालेलुङ-१, फालेलुङ-२ र झापाको मेचीनगर नगरपालिका-५ मा ६ कित्ता जग्गा रहेको सम्पत्ती विवरणमा उल्लेख गरेका छन् । उनीसँग ११ तोला सुन, १५ तोला चाँदी, १ लाख रुपैयाँ बैंक मौज्दात, अरुण काबेली हाइड्रो पावर लिमिटेडमा ५० कित्ता शेयर रहेको खुलाएका छन् ।

You may also like

Leave a Comment

Our Company

Lorem ipsum dolor sit amet, consect etur adipiscing elit. Ut elit tellus, luctus nec ullamcorper mattis.

Newsletter

Laest News

@2024 – All Right Reserved. Designed and Developed by VolcusSoft

Adblock Detected

Please support us by disabling your AdBlocker extension from your browsers for our website.