काठमाडौं । प्रधानमन्त्री केपी शर्मा ओलीले अहिलेको सरकार अर्थतन्त्र र विकासमा सुधार ल्याउनका लागि आएको बताएका छन् ।
भ्रष्टाचार निवारण ऐन २०५९ लाई संशोधन गर्न बनेको विधेयकमाथि राज्य व्यवस्था तथा सुशासन समितिमा मंगलबार भएको छलफलमा प्रधानमन्त्री ओलीले समृद्ध नेपाल सुखी नेपाली बनाउनुपर्ने दायित्व सबैको भएको बताए ।
सरकारले पूर्वाग्रह राखेर दुःख दिने काम गर्दैन भन्दै उनले भ्रष्टाचार नियन्त्रण गर्न सरकार प्रतिवद्ध रहेको बताए ।
काठमाडौं । सुदूरपश्चिम प्रदेशका पूर्व सामाजिक विकासमन्त्री झपट बहादुर साउदले करोडौँ रुपैयाँ ठगि गरेका छन् ।
मन्त्री साउदले बझाङ घर भई काठमाडौंको टोखा नगरपालिका बस्दै आएका धनबहादुर बोहराको १ करोड ५० लाख रुपैयाँ झ्वाम पारिदिएका हुन् ।
सुदूरपश्चिमको सामाजिक विकास मन्त्री रहेका बेला साउदले विभिन्न योजना हालिदिने र ठेक्का पट्टा मिलाइदिने असुली धन्दा चलाउने गरेको कालो र्कतुत समेत बाहिरिएको छ ।
ठगको पनि महाठग अर्थात् ठगहरुको नाइके तथा माओवादी केन्द्रका केन्द्रीय सदस्य तथा सुदूरपश्चिम प्रदेशका पूर्वसामाजिक विकासमन्त्री झपट बहादुर साउद । चोरको बाउँ चण्डल भने जस्तै तस्विरमा जति भलाद्मी देखिए पनि साउदको भित्री धन्दा भनेको जनता ठग्नु जस्तै भएको छ ।
बझाङ स्थायी घर भई काठमाडौँ टोखा नगरपालिका–४ बस्दै आएका धनबहादुर बोहराको करोडौं रुपैयाँ झ्वाम पारेर ठालु पल्टिएका साउद माथि अब कानुनी डण्डा चल्ने भएको छ ।
पीडित पक्षले पटक पटक रकम फिर्ता गर्न आग्रह गर्दा उल्टै गुण्डाराज शैलीमा आफ्नो पाखुरीको तुजुक देखाउँने साउँदले यतिबेला सिङगो नेपाल सरकारलाई ठाडो चुनौती दिइरहेका छन् ।
सुदूरपश्चिमको सामाजिक विकास मन्त्री रहेका बेला साउदले विभिन्न योजना हालिदिने, ठेक्का पट्टा मिलाइदिने भन्दै असुली धन्दा चलाउँने गरेको र त्यहि चङगुलमा आफुले पनि एक करोड ५० लाख रुपैयाँ बुझाएको पीडित बोहराले बताएका छन् ।
मन्त्री भएपछि टेण्डर मिलाइदिएको भए सायद यो विवादले उग्र रुप लिने थिएन् । तर, यो विवाद यतिबेला अदालत सम्म आइपुगेको छ । मन्त्री भएपछि पावर सो गरेका उनले यो केशलाई सकेसम्म सामसुम बनाउँन अनेकन प्रयास गरे । तर सफल भने भएनन् । पीडित पक्षले आफ्नो रकम माग्दा उल्टै झुटो मुद्धा लगाएर जेलको हावा समेत खुवाएको पीडित पक्षको भनाई छ ।
नेपालीमा एउटा चर्चित उखान छ । कुकुरलाई मासु दिएपछि कहिले फिर्ता हुन्न भने जस्तै त्यो उखानलाई मात खुवाउँन गरी अब साउँदलाई पैसा दिएपछि फिर्ता हुन्न भन्ने उखान प्रमाणित गरिदिएका छन् ।
उनले ठगि गरेको विषय केलाउँदै जादा अन्य धेरै आउँछन् । कति अदालसम्म पुगे । कति पद र पावरको आडमा भित्रभित्रै सामसुम गराए त्यसको कुनै लेखाजोखा छैन् । बस अहिले सतहमा आएको विषय हो । डेड करोड काण्ड । जनताको करोडौं रुपैयाँ ठग्न सिपालु यिनी एकेडेमिक शिक्षामा भन्दा पनि ठग्नमा झनै अब्बल देखिन्छन् ।
यिनको दादागिरी यतिमात्र होइन । पीडितले आफ्नो पैसा फिर्ता मागेपछि पूवमन्त्री साउदले ४ करोडको चेक रेडी गरेको छु भनेर पिडित बोहरालाई नयाँ बानेश्वर पाठशाला नेपाल अगाडि बोलाउँछन् । भेटघाट गरेर एकछिनमा आउँछु भन्दै साउँद निस्किएको आधाघण्टा पछि नेपाल प्रहरीको टोली आएर छापामारको शैलीमा बोहरालाई भ्यानमा हालेर लैजान्छ ।
पक्राउ गरिसकेपछि ३ महिनासम्म थुन्छु भन्दा बझाङमा यार्सागुम्बाको काम भएकाले डर लागेर केही दिनपछि बाध्य भएर मिलापत्रमा हस्ताक्षर गरेको बोहराको भनाइ छ ।
काठमाडौँ । प्रधानमन्त्री केपी शर्मा ओलीले प्राकृतिक सौन्दर्य दृश्यावलोकनका लागि नेपालको भ्रमण गर्न विश्वका पर्यटकहरुलाई आग्रह गरेका छन् । विश्वका छानिएका भ्लगरहरुको लुक्ला विमानस्थलदेखि सगरमाथा आधारशिविरसम्मको साहसिक यात्रामा आधारित रियालिटी शो ‘द च्यालेन्जर्स गेम अफ हिमालयज’ को प्रिमियर शो कार्यक्रममा प्रधानमन्त्री ओलीले बताएका हुन् ।
प्रधानमन्त्री ओलीले एक पटक नेपाल भ्रमणमा आएपछि जो कोहीलाई अर्को पटक आफै आउँआउँ लाग्ने समेत बताए । उक्त रियालिटी शोका माध्यमबाट हिमाल र प्राकृतिक सौन्दर्यबारे विश्वजगतलाई चिनाउन थप मद्धत पुग्ने उल्लेख गर्दै उनले नेपालको सुन्दर प्रकृति अवलोकन नगरिए जीवनको सार्थक अर्थ नहुने बताए ।
काठमाडौँ । राष्ट्रपति रामचन्द्र पौडेलसँग जापानका सांसद एवम् प्रतिनिधिसभा न्यायिक मामिला समितिका सभापति ताकेवे अराता नेतृत्वमा आएको प्रतिनिधिमण्डलले शिष्टाचार भेट गरेको छ ।
राष्ट्रपति भवन शीतल निवासमा आज भएको उक्त भेटमा राष्ट्रपति पौडेलले नेपालमा जलस्रोत, पर्यटन र कृषिजस्ता क्षेत्रमा लगानीका लागि उपयुक्त वातावरण भएको बताए । उनले सरकारले हालैमात्र कानुनमा सुधार गरेर लगानीका लागि उपयुक्त वातावरण सृजना गरेको उल्लेख गर्दै नेपालमा लगानीका लागि जापानीहरूलाई आग्रह गरे ।
नेपालमा जापानको निःसर्त र निःस्वार्थ सहयोगप्रति धन्यवाद ज्ञापन गर्दै राष्ट्रपति पौडेलले एसियाका ज्योति गौतमबुद्धका माध्यमले जापानसँग नेपालको सम्बन्ध सांस्कृतिक रुपले पनि जोडिएको जानकारी दिए । नेपाल–जापानबीचको जनस्तरमा समेत सम्बन्ध सुदृढ रहेको उनको भनाइ थियो ।
राष्ट्रपति पौडेलले लोकतन्त्र, मानवअधिकार, विधिको शासनजस्ता राजनीतिक मुद्दामा समेत अन्तर्राष्ट्रिय मञ्चमा एउटै आवाज भएको कारणले पनि दुई देशबीचको सम्बन्ध नजिक रहेको उल्लेख गर्दै खासगरी पूर्वाधार, कृषि, स्वास्थ्यजस्ता क्षेत्रमा जापानले गरेको सहयोगप्रति धन्यवाद व्यक्त गरे । नेपाली विद्यार्थीहरुले जापानमा प्रविधि सिकेर यहाँ आएर पौरख गरिरहेकामा उनले सन्तोष प्रकट गरेको राष्ट्रपतिको स्वकीय सचिवालयले जनाएको छ ।
काठमाडौं । प्रधानमन्त्री केपी शर्मा ओलीले देशमा थुप्रै अस्पताल र चिकित्सकहरू उत्पादन भइरहेको प्रसंगमा अबको समयलाई दीर्घ जीवनको समय भन्नुपर्ने बताएका छन्।
शनिबार नेकपा एमाले केन्द्रीय कार्यालय च्यासलमा लेखक, कवि एवं साहित्यका नेत्रप्रसाद गौतमद्वारा लिखित पुस्तक विमोचन कार्यक्रममा सम्बोधन गर्ने क्रममा उनले यस्तो बताएका हुन्।
गौतमका दुई कृति सार्वजनिक भएका छन्। जसमध्येको एउटा ‘इतिवृत्ति’ नामक कृतिको नाममा प्रश्न गर्दै लेखकको उमेर सोधे। छेवैमा रहेका लेखकले ८० वर्ष पुगेको बताए।
ओलीले भने अहिले नै इतिवृत्ति भनेर लेख्न नहुने भन्दै आफू पनि दुई–दुई पटक किड्नी फेरेर पनि अझै तन्दुरुस्त रहेको जिकिर गरे।
‘भर्खर ८० वर्षको हुनुभयो। थुप्रै कुरा गर्न बाँकी छ, काम गर्न बाँकी छ। उहिलेको जस्तो होइन, यहाँ यत्रो डाक्टर पढाइएको छ, यत्रो अस्पताल खोलिएको छ, यत्रो औषधि छ,’ ओलीले भने, ‘अनि हत्तपत्त त के हुन्थ्योरु अहिले केही छैन। म पनि दुई दुई पटक किड्नी फेल भएर पनि फेरि अर्को किड्नी ल्याएर अर्काको गाडीमा पाटपुर्जा राखेर, अर्कोसँग मागेर काम चलाएको छु। तै पनि म छँदैछु यहाँ।’
लेखकलाई ओलीले अझै केही अरु पुस्तक पनि लेख्न प्रेरित हुनुपर्ने बताए।
‘अबको समय भनेको दीर्घ जीवनको समय हो। स्वास्थ्यका लागि थुप्रै उपचारका कुरा पनि छन्। मेरो इतिवृत्ति भनेर किन लेख्नुभयो मैले बुझेको छैन। यी पुस्तकको विमोचनले उहाँलाई अरु पुस्तक लेखुँ लेखुँ हुन्छ,’ ओलीले भने।
ओलीले यति भनिसक्दा अर्को छेउमा बसेका उपमहासचिव प्रदीप ज्ञवालीले थप्छन्, ‘घोषण पनि गरिसक्नुभयो। दुईवटा त लेख्छु लेख्छु भन्नुभएको छ।’
उक्त कुरा सुन्नासाथ ओलीले अर्को प्रश्न गरे, ‘अनि इतिवृत्ति कसरी हुन्छरु’
उनले यो कृतिलाई इतिवृत्ति नभनेर जीवनयात्राको एउटा अंश मान्नुपर्ने बताए। ‘उहाँको इतिवृत्ति होइन कि जीवनयात्राको एउटा अंश भन्नुपर्छ,’ उनले भने।
काठमाडौँ । बाग्मती प्रदेशमा कांग्रेसका चार मन्त्रीले पद तथा गोपनीयताको शपथ लिएका छन् ।
आज शनिबार प्रदेश प्रमुख यादवचन्द्र शर्माले हरि प्रभा खड्गी, सुरजचन्द्र लामिछाने, मिनकृष्ण महर्जन र विमल ठकुरीलाई पद तथा गोपनीयताको शपथ गराएका हुन् ।मुख्यमन्त्री बहादुरसिं लामाले मन्त्री हेरफेर गरेका छन । लामाले आफ्नै दल कांग्रेसका मन्त्रीहरूको जिम्मेवारी हेरफेरसँगै नयाँलाई जिम्मेवारी दिएर आज शपथ गराइएको हो ।
उनले सामाजिक विकास मन्त्रालयमा हरि प्रभा खड्गीलाई नियुक्त गरेका छन् । सुरजचन्द्रलाई आन्तरिक मामिला तथा कानुन, मीनकृष्णलाई युवा तथा खेलकुद र विमललाई संस्कृति पर्यटन तथा सहकारी मन्त्रालयको जिम्मेवारी दिएका छन् ।मुख्यमन्त्री लामाले बिहीवार आर्थिक मामिला तथा योजना मन्त्री नियुक्त भएका रसुवाका प्रभात तामाङलाई हटाएर कुन्दन राज काफ्लेलाई जिम्मेवारी दिएका छन् ।
बुधबार विनाविभागीय मन्त्रीको शपथ लिएका काफ्लेलाई मुख्यमन्त्री लामाले बिहीबार नै सामाजिक विकास मन्त्रालयको जिम्मेवारी दिएका थिए । तर, काफ्लेले आर्थिक मामिला मन्त्रालय माग्दै शपथ कार्यक्रम रोक्न दबाव दिएका थिए ।लामाले काफ्लेलाई आर्थिक मामिला पठाएसँगै रिक्त रहेको सामाजिक विकास मन्त्रालयमा हरि प्रभा पुगेकी हुन । यसअघि महिलालाई मन्त्री नबनाएको भन्दै कांग्रेसभित्र विवाद चर्किएको थियो ।
काठमाडौँ । प्रधानमन्त्री केपी शर्मा ओलिले सहकारीका लागि छुट्टै नियामक गठन गर्ने बताएका छन् । आइतबार प्रतिनिधि सभामा बोल्दै उनले यस्तो बताएका हुन् ।
सरकारले आम सर्वसाधारणको बचतको सुरक्षा गर्ने प्रतिवद्दता समेत ओलिले गरेका छन् । उनले भने, ‘सहकारीका लागि छुट्टै नियामक निकाय गठन गरीनेछ । आम सर्वसाधारणको बचतको सुरक्षा सरकारले गर्नेछ ।’
उनले सहकारी ठगलाई कानुनी कठहरामा ल्याउने बताए ।
काठमाडौं । राष्ट्रिय स्वतन्त्र पार्टी (रास्वपा)की सांसद सुमना श्रेष्ठले उपसभामुख इन्दिरा रानाको बारेमा मिडिया ट्रायल गरिएको भन्दै नहेप्न चेतावनी दिएकी छिन् ।
आइतबार प्रतिनिधिसभा बैठकमा नेपाली कांग्रेसका सांसद रामहरी खतिवडाले उपसभामुख रानामाथि छानबिन हुनुपर्ने बताए लगत्तै सांसद सुमनाले भुटानी शरणार्थी प्रकरणलाई कमजोर बनाउन हेप्ने र मिडिया ट्रायल गर्ने काम गरिएको बताएकी हुन् ।
उनले भनिन् ‘उपसभामुखज्यूको नामबाट जुन मिडिया ट्रायल गरिएको छ । यसमा घोर आपत्ति जनाउन चाहन्छु । हिजोको दिनमा यही सभाबाट एउटा अमूख मान्छेलाई भिसा चाहियो भनेर भनेको होइन ? सडकमा प्रदर्शनमा उत्रिएका होइनन् ? यदि आचरणको कुरा गर्ने हो भने गरौं । सबैको आचरण हेरौं, सबैको लेटरप्याडबाट केके लेखिएको छ, हेरौं । तपाईहरुलाई मन लाग्यो भन्ने मिडिया ट्रायल गर्यो नत्र चुप लागेर बस्ने ? बोल्ने नै हो भने डिक्लिएर गर्नु न भुटानी शरणार्थी प्रकरण कसले गरेको हो भनेर । त्यो आँट छ ? हेप्ने काम चाँही नगर्नुहोला ।’
काठमाण्डु । प्रतिनिधि सभाको आज आईतबार बस्ने बैठकमा प्रधानमन्त्री केपी शर्मा ओलीले विश्वासको मत लिने भएका छन् ।
संसद्मा कुनै पनि दलको बहुमत नभएको अवस्थामा २ वा सोभन्दा बढी दलको समर्थनमा नियुक्त प्रधानमन्त्रीले पदमा नियुक्त भएपछि ३० दिनभित्र विश्वासको मत लिनुपर्ने संवैधानिक व्यवस्था छ ।
आईतबार दिउँसो १ बजे प्रतिनिधि सभाको बैठक राखिएको छ । बैठकमा विश्वासको मत लिने कार्यसूची राख्न प्रधानमन्त्री ओलीले साउन ६ गते संघीय संसद् सचिवालयलाई पत्राचार गरिसकेका छन् ।
नेपालको संविधानको धारा ७६ को उपधारा ९२० बमोजिम नियुक्त प्रधानमन्त्रीले धारा ७६ को उपधारा ९४० बमोजिम त्यसरी नियुक्त गरिएको मितिले ३० दिनभित्र प्रतिनिधि सभाबाट विश्वासको मत प्राप्त गर्नुपर्ने प्रावधान छ ।
नेपाली कांग्रेस र नेकपा एमालेबीच गत असार १७ गतेको सहमतिका आधारमा एमालेका अध्यक्ष ओलीले नेपालको संविधानको धारा ७६९२० बमोजिम गत असार ३० गते प्रधानमन्त्रीमा नियुक्त भएका हुन् ।
२ ठूला दलबीचको सहमतिपछि अल्पमतमा परेका तत्कालीन प्रधानमन्त्री पुष्पकमल दाहाल ‘प्रचण्ड’ले गत असार २८ गतेको संसद् बैठकमा विश्वासमा मत प्राप्त गर्न सकेका थिएनन् । नयाँ प्रधानमन्त्री ओलीको विपक्षमा नेकपा माओवादी केन्द्र, राष्ट्रिय स्वतन्त्र पार्टी ९रास्वपा० र नेकपा एकीकृत समाजवादी रहने स्पष्ट देखिएको छ भने कांग्रेस, एमालेसहित अधिकांश दलले विश्वासको मत दिने देखिएको छ ।
एमालेले आफ्ना अध्यक्ष समेत रहेका प्रधानमन्त्री ओलीको विश्वासको मतदान हुने दिन अनिवार्य उपस्थित हुन र पक्षमा मत दिन ह्वीप जारी गरिसकेको छ । सोही विषयमा निर्णय लिन नेपाली कांग्रेस संसदीय दलको बैठक आईतबार बिहान बस्दैछ ।
पुष्कर बोहरा
काठमाडौँ । एमालेका उपाध्यक्ष समेत रहेका विष्णु पौडेलले सोमबार उपप्रधान सहित आठौं पटक मन्त्रीका रूपमा सिंहदरबारको यात्रा सुरु गरेका छन् । पाँचौं पटक अर्थ मन्त्रालय सम्हालेका विष्णु पौडेल एमालेबाट पटक–पटक मन्त्री बन्ने नेतामा पर्छन ।
पहिलो पटक ०७२ कात्तिक र दोस्रो पटक ०७७ असोजमा उनी अर्थ मन्त्री बनेको थिए । यस्तै, तेस्रो पटक ०७८ जेठमा, चौथोपकट ०७९ पुसमा उप–प्रधान सहित अर्थमन्त्री बनेको पौडेल यस पटक पनि उपप्रधान सहित अर्थमन्त्री बनेका हुन् । पौडेल पहिलो पटक ०५३ चैत १२ देखि ०५४ असोज १० सम्म युवा, खेलकुद तथा संस्कृति मन्त्री बनेका थिए । ०६५ भदौ ५ देखि ०६६ जेठ ७ सम्म उनी दोस्रो पकट मन्त्री बन्दै जलस्रोत मन्त्रालय सम्हाले । त्यतिबेला पुष्पकमल दाहाल पहिलो पटक प्रधानमन्त्री बनेका थिए ।
त्यसैगरी झलनाथ खनालको नेतृत्वमा २०६७ सालमा बनेको मन्त्रिपरिषद्मा पौडेल रक्षामन्त्री थिए । त्यतिबेला पौडेल ०६७ चैत ३ देखि ०६८ भदौ ११ सम्म रक्षा मन्त्रालय सम्हालेका थिए । त्यसपछि थप पाँच पटक मन्त्री बनेका पौडेलले हरेक पटक अर्थमन्त्रालय मात्रै सम्हाल्दै आएका छन् ।
सत्ता समीकरण निर्माण गर्न चलाख मानिने पौडेल केपी शर्मा ओली प्रधानमन्त्री बन्दा होस वा गठबन्धन सरकारमा होस मन्त्री बन्ने अवसर पाइरहेका छन् । ६५ वर्षका पौडेल एमालेको दुई वर्ष अघि भएको एमालेको महाधिवेशनबाट उपाध्यक्ष बनेका हुन् ।
२०३५ सालमा अखिल नेपाल कम्युनिस्टको अर्डिनेसन कमिटीबाट राजनीति सुरु गरेका पौडेल ११ वर्ष भूमिगत बसेका थिए । २०४१ सालमा रुपन्देही जिल्ला कमिटीको सचिव बनेका पौडेलले २०४७ सालमा एमालेको केन्द्रीय सदस्य रहँदै आएका छन् । त्यसैगरी २०५९ सालमा एमालेको स्थायी कमिटीका सदस्य बनेका पौडेल २०६५ सालमा भएको एमालेको आठौं महाधिवेशनमा सचिवमा निर्वाचित भए । नवौं महाधिवेशनमा उपमहासचिवमा निर्वाचित भएका पौडेल नेकपा एमाले र नेकपा माओवादी केन्द्रबीच एकीकरणपछि गठन भएको नेकपाको महासचिव भएका थिए । सुरुमा पाल्पाबाट निर्वाचित भएका पौडेल त्यसपछि रुपन्देहीबाट निर्वाचित हुँदै आएका पात्र हुन् । २०३७ सालमा ३ वर्ष जेल र ३ हजार रुपैयाँ जरिवानाको सजाय पाएका पौडेलले ४५ दिनमा जेल विद्रोह गरेका थिए । २०१६ मंसिर १५ मा स्याङ्जामा जन्मिएका लामो समयदेखि रुपन्देहीको बुटबलमा बस्दै आएका छन् ।
०४७ सालमै नेकपा एमालेको केन्द्रीय कमिटीमा प्रवेश पाएका पौडेल सातौं महाधिवेशनपछि अशोक राईसँगै स्थायी कमिटी सदस्य बनेका थिए । उनी ०६५ सालको आठौं महाधिवेशनबाट केन्द्रीय कमिटीको सचिव र ०७१ को नवौं महाधिवेशनबाट उपमहासचिव निर्वाचित भए ।
संसदीय राजनीतिमा उनी ०५१ सालबाट प्रवेश गरेका हुन् । ०५१ मा पाल्पा क्षेत्र नम्बर ३ बाट सांसद जितेका पौडेल ०५४ सालमा युवा तथा खेलकुद मन्त्री बनेका थिए । ०५६ मा उनी रुपन्देही झरेका पौडेल क्षेत्र नम्बर ३ मा पराजित भए । र फेरी ०६४ सालमा सोही क्षेत्रबाट निर्वाचित भए ।
यसबीचमा उनी ०६५ मा प्रचण्ड सरकारमा जलस्रोत मन्त्री बनेका थिए भने झलनाथ खनालको पालामा रक्षामन्त्री बने । ओली प्रधानमन्त्री भएको बेला अर्थमन्त्रीका रुपमा उनले आफूलाई सफल बनाएका थिए । कोरोनाको बेला उनी अर्थमन्त्री थिए ।
अर्थमन्त्रालय सम्हाल्न पूर्वअर्थमन्त्री युवराज खतिवडालाई ल्याउने बारे पनि बालकोटमा छलफल नभएको होइन । तर उनको बिकल्प भएन् । ओलीको निकट भएकाले पनि अब अर्थ मन्त्रालय ओली आफैँले नजिकबाट हेर्ने सक्ने देखिएको छ ।अर्थतन्त्र लर्खराएको बेला एमालेमा उपाध्यक्ष विष्णु पौडेल बाहेक अर्थमन्त्रीका लागि अर्को अनुहार देखिँदैन । त्यसो त, एमालेमा अर्थको बारेमा दख्खल राख्ने नेता नभएको हैनन । अर्का उपाध्यक्ष सुरेन्द्र पाण्डे र महासचिव शंकर पोखरेल पनि अर्थमन्त्रीका लागि योग्य नेता हुन् । नेपालको अर्थतन्त्र अब लयमा लाने जिम्मा अब पौडेलको हातमा पुगेको छ ।
Lorem ipsum dolor sit amet, consect etur adipiscing elit. Ut elit tellus, luctus nec ullamcorper mattis.
