काठमाडौँ । पछिल्लो समय म्युचुअल फण्डको वित्तीय अवस्था घट्दो क्रममा रहेको छ । हाल संचालनमा रहेका सूचीकृत ४३ वटा म्युचुअल फण्डहरुले प्रकाशन गरेको गत कात्तिक मसान्तसम्मको तथ्याङ्क अनुसार नाफा, न्याभ र शेयरमा गरिने लगानी पनि घटाएका छन् ।
असोजको तुलनामा कात्तिकमा फण्डको नाफा ६.८४ प्र्रतिशतले घटेर ६ अर्ब २ करोड ८२ लाख २९ हजार रुपैयाँमा सीमित भएको छ । यता, न्याभ पनि ०.०२ रुपैयाँ र शेयर बजार लगानी समेत २.८७ प्रतिशत घटेको हो ।
पछिल्लो समय शेयर बजारले गति लिन सकेको छैन । बजार निरन्तर खुम्चि रहेको छ भने लगानीकर्ताको मनोबल समेत कमजोर भइरहेको छ । जसको प्रत्यक्ष असर म्युचुअल फण्डमा परेको देखिएको छ ।
फन्डहरूको नाफामा गिरावट
कात्तिक महिनामा म्युचुअल फन्डहरूको औसत नाफा ६.८४ प्रतिशतले कमी आएको छ। असोजमा फन्डहरूले ६ करोड ४७ लाख रुपैयाँभन्दा बढी नाफा कमाएका थिए, तर कात्तिकमा यो घटेर ६ करोड २ लाख रुपैयाँमा सीमित भएको छ । यो गिरावटले फन्डहरूको वित्तीय प्रदर्शनमा चुनौतीहरू देखाएको छ ।
एनआइबिएल समृद्धि फण्ड–२ ले कात्तिकमा १२ करोड ६२ लाख रुपैयाँको ठूलो नोक्सानी बेहोरेको छ । कात्तिकमा केवल १५ वटा फन्डले मात्र आफ्नो नाफा बढाउन सफल भएका छन् । तीमध्ये ग्लोबल आइएमई ब्यालेन्सड फन्ड–१, सिटिजन म्युचुअल फण्ड–१, प्रभू स्मार्ट फन्ड, र सिटिजन्स सुपर ३० जस्ता फण्डहरू लाभमा रहे।
कात्तिकमा २८ वटा फन्डहरूको नाफा घटेको देखिन्छ । मेगा म्युचुअल फण्ड–१, एनआइबिएल स्टेबल फण्ड, सनराइज ब्लु चिप, आरबिवि म्युचुअल फण्ड, एनआइबिएल ग्रोथ फण्ड र एनआइसी एशिया ग्रोथ फन्डजस्ता प्रमुख फण्डहरूको नाफा कम भएको हो ।
