54
सुनको मूल्य आइतबार घटेको छ।
शुक्रबार हालसम्मकै उच्च मूल्यमा कारोबार भएको सुन आज ३ सय रुपैयाँ प्रतितोला सस्तो भएको हो।
नेपाल सुनचाँदी व्यवसायी महासंघका अनुसार आज सुन १ लाख ६१ हजार रुपैयाँमा कारोबार भएको छ। यसअघि शुक्रबार १ लाख ६१ हजार ३ सय रुपैयाँमा कारोबार भएको थियो।
यता चाँदीको मूल्य भने तोलामा ५ रुपैयाँले बढेको छ। महासंघका अनुसार आज चाँदी १ हजार ९ सय ८५ रुपैयाँमा कारोबार भएको छ।
अन्तर्राष्ट्रिय बजारमा भने सुन प्रतिऔँस २ हजार ६ सय ५३ अमेरिकी डलरमा कारोबार भएको एजेन्सीहरुले उल्लेख गरेका छन्।
