काठमाडौं । मकर जितुमाया सुरी हाइड्रोपावर लिमिटेडले गत आवको चौथो त्रैमासिक वित्तीय विवरण सार्वजनिक गरेको छ ।उक्त वित्तीय विवरण अनुसार कम्पनीको खुद नोक्सानी अघिल्लो वर्षको चौथो त्रैमासको तु्लनामा गत वर्षको सोही अवधिमा घटेको छ ।
अघिल्लो वर्ष कम्पनीले रू. १ करोड १४ लाख नोक्सानीमा रहेकोमा गत वर्ष घटेर रू. ३६ लाख ६० हजारमा झरेको हो । गत वर्ष कम्पनीको विद्युत विक्री आम्दानीमा वृद्धि भएकाले नोक्सानी घटेको हो । विद्युत विक्री आम्दानी अघिल्लो वर्षको तुलनामा गत वर्ष ५७ दशमलव ७२ प्रतिशत वृद्धि भएको छ । अघिल्लो वर्ष कम्पनीले विद्युत विक्री बापत रू. १६ करोड ४३ लाख आम्दानी गरेकोमा गत वर्ष बढेर रू. २५ करोड ९१ लाख पुगेको छ ।
कम्पनीको चुक्ता पूँजी रू. ७६ करोड रहेको छ । रिटेन्ड अर्निङ भने रू. ५ करोड ३८ लाख ऋणात्मक रहेको छ । प्रतिशेयर आम्दानी ४८ पैसा ऋणात्मक रहेको छ । त्यस्तै कम्पनीको प्रतिशेयर नेटवर्थ ९२ रुपैयाँ ९१ पैसा छ ।
प्रतिक्रियाहरू
