काठमाडौं । टी–२० विश्वकपको लागि नेपालको जर्सी नयाँ हुने भएको छ । आगामी जेठमा अमेरिका र वेस्ट इन्डिजमा हुने टी–२० विश्वकपको लागि नेपाल क्रिकेट संघ ९क्यान० ले टी–२० विश्वकपको जर्सी तयार गरी सकेको छ ।
क्यानले चाँडै औपचारिक कार्यक्रम गरेर उक्त जर्सी सार्वजनिक गर्ने तयारी गरेको छ ।
नयाँ जर्सीको सबभन्दा तल गैंडा र सगरमाथा हुनेछ । रातो, हल्का मधुरो र सेतो रंगमा हुनेछ । बीचमा नेपाल लेखिएको हुनेछ । बीचको भागको रंग निलो हुन्छ । बायाँतर्फ क्यान र दायाँतर्फ टी–२० विश्वकपको लोगो हुनेछ । कलर अर्थात् घाँटीको भाग रातो रंगमा हुनेछ । दुवै भागतर्फ बाउला ९हातमा० नेपालको झण्डा हुनेछ ।
एकतर्फ केल्मीको लोगो हुनेछ । पछाडिको अधिकांश भाग निलो रंगमा हुनेछ । जर्सी नम्बरमाथि खेलाडीको नाम हुनेछ । तल्लो भागमा सगरमाथा नै हुनेछ ।
जर्सी वर्तमान सिनियर टोलीले लगाएको भन्दा फरक बनाएको छ ।
