काठमाडौं–कवि एवं साहित्यकार रामबाबु दाहालको शब्द रचना रहेको, चर्चित गायिका बबिना भट्टराईले स्वर दिएको र संगीत भरेको प्रेमिल भावको गीत ‘सपनीमा’ शुक्रबार सार्वजनिक भएको छ।
गायिका बबिना भट्टराईको अफिसियल युटुव च्यानल मार्फत सार्वजनिक गरिएको उक्त म्युजिक भिडियोमा गायिका बबिना आफै फिचर्ड छिन् । गीतको एरेन्ज संजिव बराइलीले गरेका छन्। गीतमा सारङ्गीको धुन पनि उनैले भरेका छन् भने तवला भुवन गन्धर्वले बजाएका छन् ।
म्युजिक नेपालको स्टुडियोमा रेकर्ड गरिएको उक्त गीतको रेकर्ड, मिक्सिङ र मास्टरिङ प्रकाश खरेलको रहेको छ । गीतको भिडियो जस्केलो क्रियशनद्धारा निर्माण गरिएको हो।
यो गीत चर्चित गीतकार कालिप्रसाद रिजालले आफ्नै निवासमा एक समारोहमा सार्वजनिक गरेका थिए। गीत सार्वजनिक गर्दै रिजालले यस्ता प्रेमिल गीतहरुले श्रोताको मान जित्ने बताएका थिए।
रिजालले भने,“शब्द रचनामा जुन शक्ति सामथ्र्य हुन्छ स्वरले त्यसलाई मीठास र लालित्यले परिपूर्ण बनाउँछ । प्रस्तुत गीतमा त्यो भाव रहेको सहज अनुभुत हुन्छ । प्रेमिल भावको जीवन जगतको संवेगलाई ‘तिमी‘ शब्दमा प्रतिकात्मक संज्ञामा रचित गीत सवै उमेर समुहकालाई कर्णप्रिय रहेको छ।” समारोहमा प्रतिनीधिसभा सदस्य डा.रेखा यादव निर्झरले गीतकार दाहाललाई सम्मान गरेकी थिइन् ।
