काठमाडौं । पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहालले नेपाल यातायात व्यवसायी राष्ट्रिय महासङ्घका अध्यक्ष लगायतका पदाधिकारी र यातायात क्षेत्र सम्बद्ध तीनवटा ट्रेड युनियनका अध्यक्ष तथा पदाधिकारीहरुसङ्ग खुमलटारमा भेट गरेका छन् ।
भेटमा व्यवसायी र श्रमिक नेतृत्वले अध्यक्ष प्रचण्ड नै यातायात क्षेत्रको वास्तविक नेता तथा साथी भएको, उहाले नै पटकपटक यो क्षेत्रमा सुधारको लागि पहल भएको र उहाँको नेतृत्वकालमा नै यातायात क्षेत्रको सुधारको विस्तृत प्रतिवेदन तयार भएको तर सरकारको फेरबदलले त्यसको कार्यान्वयन नहुदा आफुहरुलाई निरास बनाएको बताएका छन् ।
अहिलेको विषम परिस्थितिमा सरकारको प्रधानमन्त्रीको ध्यान आफुहरुको समस्यामा नगएको बेला पूर्व प्रधानमन्त्री तथा विपक्षी दलको नेताले चासो देखाएपछि अफ्ना समस्या सम्बोधनका लागि प्रभावकारी हस्तक्षेप हुने विश्वास व्यक्त गरेका हुन् ।
भेटमा अध्यक्ष कमरेडले केही दिन पहिलेको बाढी पहिरो र डुबानबाट सडक यातायातको क्षेत्रको अवस्था, यातायात व्यवसायी र मजदुरले ब्यहोर्नु परेको जनधनको क्षती, बाढी र पहिरोमा फसेका यात्रु, सवारी साधन र श्रमिकको अवस्था, सरकारको तर्फबाट भएका काम र समस्याबारेको रिपोर्ट सुनेर त्यसका बारेमा सरकारको ध्यानाकर्षण गराउने प्रतिबद्धता जनाएका छन्।
