काठमाडौं । नेप्सेमा सुचिकृत विभिन्न कम्पनीहरुले गत आर्थिक बर्षको मुनाफाबाट विभिन्न उपसमुहका ६ कम्पनीहरुले लाभांश घोषणा गरेका छन् । लाभांश घोषणा गर्नेहरुमा १ कमर्सियल बैंक, १ लघुवित्त कम्पनी र ४ जलबिद्युत कम्पनीहरु रहेका छन् ।
कुन कम्पनीको कति लाभांश ?
१) एभरेष्ट बैंक
एभरेष्ट बैंकले गत आर्थिक बर्षको मुनाफाबाट १० प्रतिशत बोनस सेयर र ५.५३ प्रतिशत नगद (कर समेत) गरि १५.५३ प्रतिशत लाभांश दिने प्रस्ताव गरेको छ ।उक्त लाभांश नेपाल राष्ट्र बैंकले स्वीकृत गरेपछि र बैंकको आगामी साधारणसभाले पारित गरेपछि उक्त लाभांश लगानीकर्तामा वितरण हुनेछ । कम्पनीले हालसम्म लाभांश प्रयोजनार्थ बुकक्लोज मिति तोकेको छैन ।
२) गुराँस लघुवित्त
गुराँस लघुवित्त वित्तीय संस्था लिमिटेडको भदौ २४ गते बसेको संचालक समितिको बैठकले हाल कायम चुक्ता पुँजीको १४.२५ प्रतिशत बोनस सेयर र कर प्रयोजनको लागि ०.७५ प्रतिशत नगद लाभांश गरि कुल १५ प्रतिशत लाभांश घोषणा गरेको हो । नेपाल राष्ट्र बैंकले स्वीकृति दिएपछि र लघुवित्तको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ। कम्पनीले हालसम्म लाभांश प्रयोजनार्थ बुकक्लोज मिति तोकेको छैन ।
३) भगवति हाइड्रोपावर
भगवति हाइड्रोपावर लिमिटेडको भदौ २२ गते बसेको संचालक समितिको बैठकले आर्थिक वर्ष २०८०र८१ को मुनाफाबाट कम्पनीको हालको चुक्ता पुँजीको १४.७३ प्रतिशत लाभांश वितरणको प्रस्ताव गरेको छ । कम्पनीले ४ प्रतिशत बोनश सेयर र १०.७३ प्रतिशत नगद लाभांश (कर समेत) वितरणको प्रस्ताव गरेको छ ।
कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुनेछ । कम्पनीले असोज १६ गते साधारणसभा आह्वान गरेको छ। कम्पनीले साधारणसभा प्रयोजनको लागि असोज २ गते बुक क्लोज गर्ने निर्णय गरेको छ । त्यसैले असोज १ गतेसम्म कायम सेयरधनीहरुले मात्र लाभांश प्राप्त गर्न सक्नेछन् ।
४) माण्डु हाइड्रोपावर
माण्डु हाइड्रोपावर लिमिटेडको भदौ २० गते बेलुका ४ बजे बसेको संचालक समितिको बैठकले आर्थिक वर्ष २०८०र८१ को मुनाफाबाट कम्पनीको हालको चुक्ता पुँजीको १२ प्रतिशतले हुन आउने १६ करोड ३६ लाख ३६ हजार ४ सय ४० रुपैयाँ नगद लाभांश प्रचलित कानुन बमोजिम कर कट्टी गरी वितरण गर्ने प्रस्ताव गरेको हो ।
कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुनेछ । कम्पनीले असोज १४ गते साधारणसभा आह्वान गरेको छ। कम्पनीले साधारणसभा प्रयोजनको लागि भदौ ३१ गते बुक क्लोज गर्ने निर्णय गरेको छ । त्यसैले भदौ ३० गतेसम्म कायम सेयरधनीहरुले मात्र लाभांश प्राप्त गर्न सक्नेछन् ।
५) सुपर माई हाइड्रोपावर
सुपर माई हाइड्रोपावर लिमिटेडले गत आर्थिक वर्षको नाफाबाट १२.६३ लाभांश वितरण गर्ने निर्णय गरेको हो । कम्पनीले गत आर्थिक वर्षको खुद मुनाफाबाट सेयरधनीहरुलाई ७ प्रतिशत बोनस सेयर र ५.६३ प्रतिशत नगद लाभांश(कर प्रयोजनसहित)गरी कुल १२.६३ प्रतिशत लाभांश वितरणको प्रस्ताव गरेको छ । कम्पनीले हालसम्म लाभांश प्रयोजनार्थ बुकक्लोज मिति तोकेको छैन ।
६) अपी पावर
अपी पावर कम्पनी लिमिटेडले गत आर्थिक बर्षको मुनाफाबाट ९.४७३७ प्रतिशत लाभांश घोषणा गरेको हो । कम्पनीले शेयरधनीहरुलाई ९ प्रतिशतका दरले बोनस सेयर र ०।४७३७ प्रतिशत कर प्रयोजनका लागि नगद लाभांश वितरण गर्ने निर्णय गरेको छ।
उक्त लाभांश आगामी बार्षिक साधारण सभाले पारीत गरेपछी बितरण गरिनेछ । कम्पनीले हालसम्म लाभांश प्रयोजनार्थ बुकक्लोज मिति तोकेको छैन ।
