121
काठमाडौं । सिद्धार्थ इन्भेष्मेन्ट ग्रोथ स्किम–३ ले गत आर्थिक वर्ष ०८०/८१ को प्रतिफल दिने भएको छ । योजना व्यवस्थापक सिद्धार्थ क्यापिटल लिमिटेडको सञ्चालक समितिको बैठकले गत आर्थिक वर्षको लागि कर समेत ७ प्रतिशत प्रतिफल दिने निर्णय गरेको हो ।
यस वर्ष योजनाले ५ करोड ६४ लाख ६ हजार रुपैयाँ बराबरको प्रतिफल वितरण गर्न लागेको हो । १० वर्षे अवधिको बन्दमुखी प्रकृतिको यस योजनाले प्रतिफल प्रयोजनका लागि बुक क्लोजको मिति भने तय गरेको छैन ।
योजनाले तय गर्ने बुक क्लोज मितिको आधारमा प्रतिफल प्राप्त हुनेछ । यस योजनाले गत असार मसान्तसम्म ७ करोड १८ लाख रुपैयाँभन्दा बढी नाफा गरेको छ । उक्त अवधिसम्म योजनाको प्रति इकाई खुद सम्पत्ति मूल्य ११ रुपैयाँ २० पैसा छ ।
