267
काठमाडौं । सेयर बजारमा सुधारको गतिले बुधबार पनि निरन्तरता पाएको छ । यस दिन नेप्से सूचक २३.२५ विन्दुले बढेर २१७५।४० अंकमा आएको छ । ५ अर्ब ७४ करोड रुपैयाँभन्दा बढीको सेयर कारोबार भएको छ । विकास बैंकबाहेक बाँकी सबै समुहका सूचक बढेका छन् । बुधबार वाणिज्य बैंक समूहमा पनि आकर्षण देखिएको छ । एउटा कम्पनीको सकारात्मक सर्किट लेबलमा कारोबार भएको छ ।
केही दिनयता समग्रमा बजार बढिरहेको छ । दैनिक खरिदबिक्री रकममा पनि वृद्धि भइरहेको देखिन्छ । आगामी दिनमा अर्थतन्त्रमा सुधार हुने प्रक्षेपणसहित लगानीकर्ताले आफ्ना नयाँ रणनीतिहरु तय गरिरहँदा सेयर बजारमा सकारात्मक प्रभाव परेको अनुमान गरिएको छ । अब ठूला दलहरुको सहकार्यमा नयाँ सरकार गठन हुनेछ । यसबाट अर्थतन्त्रका विद्यमान समस्या समाधान गर्न सहयोग पुग्ने लगानीकर्ताको बुझाई रहेको देखिन्छ ।
