415
काठमाडौं । एनएलजी इन्स्योरेन्सले आर्थिक वर्ष २०७९–८० को नाफाबाट सेयरधनीहरूलाई लाभांश दिने घोषणा गरेको छ ।
कम्पनीको आइतबार बिहान बसेको सञ्चालक समितिको बैठकले ५.५० प्रतिशत बोनस सेयर र कर प्रयोजनको लागि ०.२८ प्रतिशत नगद लाभांश वितरण गर्ने निर्णय गरेको हो ।
प्रस्तावित लाभांश बीमा प्राधिकरणको स्वीकृति र कम्पनीको आगामी साधारण सभाले पारित गरेपछि सेयरधनीहरूले पाउनेछन् ।
कम्पनीले गत वर्ष भने १० प्रतिशत बोनस र ०.५३ प्रतिशत नगद लाभांश वितरण गरेको थियो । गत वर्षको तुलनामा कम्पनीको लाभांश दर घटेको छ ।