काठमाडौँ। शिवम् सिमेन्ट लिमिटेडको आठौं वार्षिक साधारण सभा सम्पन्न भएको छ । उक्त साधारण आ.व. २०७९/०८० सम्मको संचित मुनाफाबाट शेयरधनीलाई १५ प्रतिशतका दरले
लाभांश वितरण गर्ने प्रस्ताव समेत पारित गरेको हो ।
आ.व. २०७९/०८० सम्मको संचित मुनाफाबाट (शेयर प्रिमियम वापतको रकम यथावत
रुपमा कम्पनीमा नै संचित राखी) अन्य संचित रकमबाट शेयरधनीलाई चुक्ता पूँजी रु ४ अर्व
४० करोडको १४.२५ प्रतिशतका दरले रु. ६२ करोड ७० लाख बराबरको वोनस शेयर र
०.७५ प्रतिशतका दरले (कर प्रयोजनका लागि) रु. ३ करोड ३० लाख नगद लाभांश सहित
आफ्ना शेयरवालाहरुलाई कूल जम्मा १५ प्रतिशतका दरले लाभांश वितरण गर्ने प्रस्ताव समेत
पारित गरेको छ ।
हाल कम्पनीको अधिकृत पुँजी ७ अर्व जारी तथा चुक्ता पूँजी रु. ४ अर्व ४० करोड रहेकोमा
१४.२५ प्रतिशतका का दरले बोनश शेयर वितरण गरे पश्चात कम्पनीको जारी तथा चुक्ता
पूँजीमा बृद्धि भई ५ अर्व २ करोड ७० लाख कायम हुनेछ ।
शिवम् सिमेन्ट लिमिटेडको आज मितिः २०८०/०९/२७ गते राष्ट्रिय सभागृह, प्रर्दशनी मार्ग,
काठमाडौंमा आयोजना गरेको आठौं वार्षिक साधारण सभा कम्पनीको संचालक समितिका
अध्यक्ष श्री गौरव गोयलज्यूको अध्यक्षतामा बसेको सभाले संचालक समितिले प्रस्ताव गरेका
सामान्य प्रस्ताव र विशेष प्रस्तावहरु पारित गरी सभा सम्पन्न गरेको थियो।
