525
काठमाडौं । सर्वोत्तम सिमेन्टले वैदेशिक रोजगारीमा रहेका नेपालीहरुलाई खुला गरेको आइपीओमा पहिलो दिनमै मागभन्दा बढी आवेदन परेको छ । कम्पनीले बुक विल्डिङ विधिबाट आज बुधबार पुस २५ गतेदेखि वैदेशिक रोजगारीमा रहेका नेपालीका लागि २ लाख ६७ हजार कित्ता आइपीओ बिक्री खुला गरेको हो ।
बुधबार साँझ ५ः०६ बजेसम्ममा ३ लाख ६५ हजार ५५० कित्ताका लागि आवेदन परेको हो ।कुल ४ हजार ९०९ जना आवेदकले १३ करोड १९ लाख २६ हजार ९९५ रुपैयाँ बराबरको आवेदन दिएका हुन् । सर्वोत्तमको आइपीओमा लगानीकर्ताले प्रतिकित्ता ३६० रुपैयाँ ९० पैसाका दरले आवेदन दिनुपर्नेछ । यस आइपीओमा न्यूनतम ५० कित्तादेखि अधिकतम १० हजार कित्तासम्मको लागि आवेदन दिन सकिनेछ ।
