208
काठमाडौं । एनआईसी एसिया बैंकको ३ करोड ३५ लाख ३५ हजार ६१६ कित्ता सेयर दोस्रो बजारमा थपिएको छ ।
बैंकले यसअघि घोषणा गरेको चुक्ता पूँजीको २९ प्रतिशत बोनस सेयर नेपाल स्टक एक्स्चेन्जमा सूचीकृत भएको हो । यस बैंकले गत आर्थिक वर्षको नाफाबाट सेयरधनीलाई वाणिज्य बैंकहरुमध्ये सबैभन्दा धेरै २९ प्रतिशत बोनस सेयर प्रदान गरेको थियो ।
बैंकको बोनस सेयर सूचीकृत भएसँगै सेयर लगानीकर्ताले डिम्याट खातामा बोनस सेयर पाउनेछन् र कारोबार गर्न सक्नेछन् ।
कम्पनीको कुल सूचीकृत सेयर संख्या १४ करोड ९१ लाख ७५ हजार ६७२ पुगेको छ । बिहीबार बजार बन्द हुँदा बैंकको सेयर मूल्य प्रतिकित्ता ५१० रुपैयाँ ९० पैसा छ ।