काठमाडौं । फिफा विश्वकप-२०२६ छनोटको दोस्रो चरणमा नेपाल बहराइनसँग ५–० ले पराजित भएको छ । बहराइन राष्ट्रिय रङ्गशालामा भएको खेलमा बहराइन ५–० गोलले विजयी भएको हो ।
बहराइनले पहिलो हाफमा ३ गोल गर्दा दोस्रो हाफमा थप २ गोल गर्यो । बहराइनका लागि माहदी अल हुमाइदान, सायद बाकेर, अब्दुलजब्बर, इब्राहीम अल खताल र इस्माइल हसनले पेनाल्टीमार्फत गोल गरे ।
योसँगै समूह ‘ए’ मा ३ खेल खेलेको नेपाल अङ्कविहीन छ । बहराइन ३ खेलमा ६ अङ्कसहित दोस्रो स्थानमा छ ।