काठमाडौं । एसीसी महिला एसिया कपमा आज नेपालले प्रतियोगिताकै सबैभन्दा सफल टिम भारतविरुद्ध चुनौती प्रस्तुत गर्दै छ ।
महिला क्रिकेटको बलियो राष्ट्र भारतले हालसम्म सातपटक एसिया कपको उपाधि जितिसकेको छ । प्रतियोगिताको साविक विजेता समेत रहेको भारतविरुद्ध नेपालले समूह चरणको अन्तिम खेल खेल्न लागेको हो ।
समूह ‘ए’बाट भारत यसअघिका दुई खेलमा लगातार जितसहित सेमिफाइनलमा प्रवेश गरिसकेको छ । समान खेलबाट दुई अंकको नेपाललाई भने सेमिफाइनल सम्भावना कायम राख्न आज जितको दबाब छ ।
श्रीलंकाको दमुल्लामा हुने यी दुई टिमबीचको खेल बेलुका ७ः१५ बजे सुरु हुनेछ ।
भारतले यसअघि पाकिस्तानलाई सात विकेटले हराएको थियो । भारतले युनाइटेड अरब इमिरेट्स ९यूएई०विरुद्ध ७८ रनको जित निकालेको थियो ।
नेपालले पहिलो खेलमा यूएईलाई ६ विकेटले हराएको थियो । दोस्रो खेलमा नेपाल पाकिस्तानसँग नौ विकेटले पराजित भएको थियो ।