चितवन । प्रधानमन्त्री पुष्पकमल दाहाल ‘प्रचण्ड’ले सोमबार भरतपुर विमानस्थलमा पत्रकारहरुसँग कुरा गर्दै सरकारले ल्याएको नीति कार्यक्रम तथा बजेट जनता र राष्ट्रको पक्षमा रहेको बताएका छन् । उनले बजेट समग्रमा सन्तोषजनक रहेको बताए ।
उनले भने, “मलाई लाग्छ यो प्रतिनिधिसभाबाट पारित हुन्छ ।” सुशासन, न्याय र सामाजिक समृद्धिको क्षेत्रमा पनि थुप्रै सकारात्मक पहल भएको उनको भनाइ छ । “यो सन्तोषजनक छ । राष्ट्र र जनताको अपेक्षा अनुसार अझै गति दिनुपर्छ भन्ने आवश्यकता म ठान्छु”, उनले भने ।
प्रधानमन्त्री दाहालले प्रहरी महानिरीक्षकको परिवर्तनका सन्दर्भमा आफूले तीनैजना आइजिपिहरुलाई बोलाएर कुनै परिवर्तन नहुने भनिसकेको बताए ।