काठमाडौं : नेपाल धितोपत्र बोर्डले पछिल्लोपटक ङादी ग्रुप पावर लिमिटेडले १ अर्ब ८५ करोड १२ लाख रुपैयाँ बराबरको हकप्रद सेयर निष्काशन गर्न अनुमति दिएको छ ।
बोर्डले सोमबार उक्त कम्पनीलाई हकप्रद शेयर निष्काशनको अनुमति प्रदान गरेको हो ।
बोर्डले १ करोड ८५ लाख १२ हजार ७ सय ९२ दशमलव २ सय २५ कित्ता हकप्रद सेयर निष्काशन गर्न स्वीकृत गरेको कम्पनीको वेभसाइटमा छ । बोर्डको स्वीकृतिसँगै अब कम्पनीले १:१ को अनुपातमा शेयर निष्काशन गर्नेछ ।
कम्पनीले हकप्रद निष्काशनको लागि सिद्धार्थ क्यापिटल बिक्री प्रबन्धक रहेको बोर्डले जनाएको छ ।
कम्पनीअन्तर्गत लमजुङमा सिउरी खोला जलविद्युत् (४.९५ मेगावाट) सञ्चालित छ । कम्पनीले २०६९ मंसिरदेखि व्यापारिक उत्पादन गर्दै आएको छ ।