काठमाडौं । शिखर इन्स्योरेन्स कम्पनी लिमिटेडको सीईओमा दीपप्रकाश पाण्डे नियुक्त भएका छन् ।
कम्पनी सञ्चालक समितिको असोज १ गते बिहिबारका दिन बसेको बैठकले पाण्डेलाई आगामी चार वर्षका लागि सीईओ नियुक्त गरेको हो ।
पाण्डेकै अगुवाईमा स्थापना भएको शिखर इन्स्योरेन्स कम्पनी निर्जीवन बीमा व्यवसायको पायोनियर कम्पनी हो । उनकै नेतृत्वमा शिखरले सर्वाधिक बीमा शुल्क आर्जनदेखि अन्य सूचकहरुमा पनि आफूलाई एक नम्बरमा उभ्याउन सफल भएको छ ।