काठमांडौ । माउण्ट कैलाश इनर्जी लिमिटेडको ७ औँ र ८ औँ वार्षिक साधारणसभा आज भदौ ५ गते थापाखोला जलबिद्युत आयोजनाको कार्यालय टुकुचे, मुस्ताङमा विहान ११ बजेदेखि सुरु हुनेछ ।
सर्वसाधारणका लागि साधारण सेयर (आईपिओ) निष्काशनको विशेष प्रस्तावसहित साधारणसभा आह्वान गरिएको हो । कम्पनीको २०८० भदौ ८ गते बसेको सञ्चालक समितीले आईपिओ निष्काशनको प्रस्ताव सहित विशेष साधारणसभा बोलाउने निर्णय गरेको थियो । तर पटक पटक सभा स्थगित भएको थियो ।
सभाले २ आर्थिक बर्षको बार्षिक प्रतिवेदन, लेखा परिक्षको नियुक्ति, सर्वसाधारणका लागि साधारण सेयर (आईपिओ) निष्काशन गर्ने र प्रवन्धपत्र र नियमावली संसोधनको प्रस्ताव सहित विभिन्न प्रस्ताव हरु पारित गर्नेछ ।