काठमाडौं । साताको पहिलो दिन आइतबार सेयर बजार परिसूचक नेप्से ३४.४७ अंक घटेको छ । अघिल्लो दिन ३ हजार अंकमा रहेको बजार आइतबार भने २९६६ मा रहेर बन्द भएकाे छ ।
आज दिनभर कुल २८ अर्ब ८३ करोडको कारोबार भएकाे छ । आज नेप्से उपसमूहका १३ वटामध्ये ४ वटा समूह बढेको छ भने ९ समूह घटेको छ । आज ४७ कम्पनीको मूल्य बढ्दा १९७ को घटेकाे छ ।
बजारमा आज ५ वटा कम्पनीको सेयर मूल्यमा माथिल्लो सर्किट लागेको छ । नेपाल फाइनान्सका सेयरधनीले सर्वाधिक गुमाएका छन् । यो कम्पनीको सेयर मूल्यमा नकारात्मक सर्किट लागेको छ ।
आज हिमालयन रिइन्स्योरेन्सको सर्वाधिक कारोबार भएको छ । यो कम्पनीको ८२ करोड १४ लाख रुपैयाँ बढीको सेयर कारोबार भएको छ ।