काठमाडौं । बैंकिङ प्रणालीमा एकैदिन २४ अर्ब बराबरको निक्षेप संकलन भएको छ । नेपाल राष्ट्र बैंकको पछिल्लो तथ्यांकअनुसार निक्षेप सार २५ गते मंगलबार बैंक तथा वित्तीय संस्थाको कुल निक्षेप बढेर ६४ खर्ब ५७ अर्ब रुपैयाँ पुगेको छ । अघिल्लो दिन असार २४ मा बैंकहरुको कुल निक्षेप ६४ खर्ब ३३ अर्ब रुपैयाँ थियो ।
वाणिज्य बैंकहरुको निक्षेप संकलन पनि २३ अर्बले वृद्धि भएको छ । कुल निक्षेपमा वाणिज्य बैंकहरुको निक्षेप ५७ खर्ब २८ अर्ब रुपैयाँ रहेको छ । असार २४ गतेसम्म वाणिज्य बैंकहरुको कुल निक्षेप ५७ खर्ब ५ अर्ब रहेको थियो ।
असार २५ मा बैंकहरुको कर्जा लगानी भने १ अर्ब रुपैयाँले घटेको छ। अघिल्लो दिनसम्म बैंकहरुको कुल कर्जा लगानी ५१ खर्ब ५७ अर्ब रुपैयाँ रहेकोमा असार २५ मा घटेर ५१ खर्ब ५६ अर्ब रुपैयाँ थियो।