काठमाण्डौ । साताको थौथो कारोबार दिन सेयरबजारमा झिनो अंकको बृद्धि भएको छ । नेप्से परिसूचक ३.७९ अंकले बढेर २१०४.२२ विन्दुमा पुगेको छ । नेप्सेमा सूचीकृत ३१४ कम्पनीको १ करोड ७१ लाख ३४ हजार ८२ कित्ता सेयर किनबेच हुँदा ५ अर्ब ८ करोड रुपैयाँमाथिको कारोबार भएको छ । नेप्सेमा रहेका १३ उपसूचकमध्ये आज ५ वटा समूहमा मात्रै हरियाली छाएको छ । बीमा समूहका दुईवटै उपसूचक घटेका छन् ।
जीवन बीमा समूह ०.२५ प्रतिशत र निर्जीवन बीमा समूह ०.२३ प्रतिशतले घटेको छ । बीमा समूह घट्दा आज जम्मा ६ वटा बीमा कम्पनीको मात्रै सेयरभाउ बढेको छ । सर्वाधिक कमाउने वा सेयरमूल्य बढ्ने बीमा कम्पनीमा एशियन लाइफ इन्स्योरेन्स रहेको छ । कम्पनीको सेयरभाउ १.७७ प्रतिशतले बढेर ५७५ रुपैयाँ पुगेको छ । यसका साथै हिमालयन एभरेष्ट इन्स्योरेन्सको सेयरभाउ १.०२ प्रतिशतले बढेर ६१६ रुपैयाँ पुगेको छ ।