काठमाडौं । ग्लोबल आईएमई बैंकले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ । बैंकले सार्वजनिक गरेको चालु आर्थिक वर्षको तेस्रो त्रैमासिक वित्तीय विवरणअनुसार बैंकको नाफामा २४ प्रतिशतले गिरावट आएको छ । बैँकको साउनदेखि चैत मसान्तसम्मको खुद नाफा ३ अर्ब ३० करोड रुपैयाँ छ ।
बैँकले गत वर्ष यस अवधिमा ४ अर्ब ३५ करोड खुद नाफा कमाएको थियो । चालु आवको तेस्रो त्रैमासमा बैंकको खुद ब्याज आम्दानी १३ अर्ब २ करोड छ, गत आवको यसै अवधिमा ११ अर्ब ७९ करोड रुपैयाँ थियो । बैंकले लोन लस प्रोभिजनवापत ५ अर्ब २६ करोड रुपैयाँ छुट्याएको छ ।
कुल कर्जामा निष्क्रिय कर्जाको अंश गत वर्ष यस अवधिमा ३।९६ प्रतिशत रहेकोमा अहिले बढेर ४।७४ प्रतिशत पुगेको छ । त्यस्तै, बैंकको वितरणयोग्य नाफा भने ४२ करोड ३१ लाख रुपैयाँ ऋणात्मक छ ।
वार्षिक प्रतिसेयर आम्दानी ९ईपीएस० अहिले १२ रुपैयाँ २० पैसामा झरेको छ ।
बैंकको प्रतिसेयर नेटवर्थ १६० रुपैयाँ ९२ पैसा छ । आधार दर ८।८४ प्रतिशत तथा स्प्रेड रेट ३।९८ प्रतिशत छ । बैंकको सीडी रेसियो ७९।४० छ ।