काठमाडौं । कपनबाट हराएकी १९ वर्षीया युवती सुस्मिता थापा पशुपतिको जङ्गलमा मृत फेला परेकी छिन् । पशुपति क्षेत्रको गोरखनाथ मन्दिर नजिकैको जङ्गलमा उनको शव भेटिएको प्रहरीले जनाएको छ ।
उनी सिन्धुलीको कमलामाई नगरपालिका– १ घर भई हाल कपनमा बस्दै आएकी थिइन् ।
गौशाला प्रहरी वृत्तका डीएसपी केशव थेवेले भने, ‘शव रुखमा झुन्डिएको अवस्थामा फेला परेको हो । आफन्त ९दाजु०आएर शवको सनाखत गरिसकेका छन् ।’
शुक्रबार बिहान मर्निङवाकमा गएका स्थानीयले शव देखेपछि प्रहरीलाई खबर गरेका थेवेले बताए ।
प्रारम्भिक अनुसन्धानबाट उनले आत्महत्या गरेको जस्तो देखिने उनले बताए । उनले दाजुलाई भक्तपुरमा रहेका आफन्तकोमा जान्छु भनेर हिँडेको पाइएको प्रहरीले जनाएको छ ।