काठमाडौं। नेपाल बीमा प्राधिकरणले पुनर्बीमकको लगानी निर्देशनमा पहिलो संशोधन गर्दै पुनर्बीमा कम्पनीको लगानीको क्षेत्र विस्तार गरिदिएको छ ।
नयाँ व्यवस्थाबमोजिम अब पुनर्बीमा कम्पनीले विशिष्टीकृत लगानी कोष नियमावली बमोजिम धितोपत्र बोर्डबाट व्यवसाय गर्न स्वीकृति पाएका प्राइभेट इक्विटी फन्ड र भेन्चर क्यापिटल फन्डमा लगानी गर्न पाउने भएका हुन् । पुनर्बीमा कम्पनीले कुल लगानीको १.५ प्रतिशत त्यस्ता कोषमा लगानी गर्न पाउनेमा एउटै कोषमा भने बढीमा एक प्रतिशतसम्म लगानी गर्न सक्नेछन् ।
यसैगरि पुनर्बीमा कम्पनीले यसअघि साधारण सेयरू मा मात्र लगानी गर्न पाउने व्यवस्थालाई परिवर्तन गर्दै शेयरहरूमा लगानी गर्न सकिने गरि शब्दावलीमा परिवर्तन गरिएको छ भने सेयरमा गरिने लगानीको सीमा पाँच प्रतिशतबाट बढाएर १५ प्रतिशत बनाइएको छ ।