Business

काठमाडौं । माउन्टेन हाइड्रो नेपाल लिटिडेको आठौं वार्षिक साधारणसभा आज अर्थात पुष २३ गते कालिमाटी ब्याङ्क्वेटमा सम्पन्न भएको छ ।

कम्पनीका अध्यक्ष सिताराम तिमल्सिनाको अध्यक्षतामा भएको साधारणसभाले १ : १ को अनुपातमा हकप्रद सेयर जारी गर्ने प्रस्ताव पारित गरेको छ ।

भव्य र सभ्य रुपले सम्पन्न साधारणसभाले आर्थिक वर्ष २०७९ ०८० को वार्षिक प्रतवेदन र लेखा परीक्षकका प्रतिवेदन सहितको आर्थिक वर्ष २०७९ ०८० को वार्षिक आर्थिक विवरण (वासलात, नाफा नोक्सान हिसाव तथा नगद प्रवाह लगायतका वित्तीय विवरणहरुं) माथि छलफल गरी पारित गरेको छ । त्यसै गरी सभाले आर्थिक वर्ष २०८० ०८१ को लागि लेखापरीक्षक नियुक्ति समेत गरेको छ ।

सभाले अरु कुनै जलविद्युत आयोजनालाई प्राप्ती गर्ने तथा एक आपसमा गाभ्ने प्रस्ताव पारित गरेको छ ।

काठमाडौं । नेप्सेमा सिटिजन बैंकको ऋणपत्र सूचीकृत भएको छ ।

सोमबार बैंकको ३० लाख कित्ता ऋणपत्र सूचीकृत भएको छ । सो बैंकले १० वर्ष अवधिको १० प्रतिशत व्यजदरमा ऋणपत्र जारि गरेको थियो ।

सोही ऋणपत्र आज पुस २३ गते बैंक र नेप्सेबीच ऋणपत्र सूचीकरण सम्झौता भएको छ । कम्पनीको सेयर सम्झौता भएको दोस्रो दिन अर्थात भोलीबाट ऋणपत्र दोस्रो बजारमा कारोबार हुनेछ ।

काठमाडौं । बजारमा फेरि डण्डीको मूल्य दुईदेखि तीन रूपैयाँसम्म बढेको छ । उत्पादन नहुँदा डण्डीको मूल्य बढेको हो । सोमबार बजारमा डण्डी प्रतिकिलो ९७ रूपैयाँदेखि एकसय रूपैयाँसम्म पुगेको नेपाल निर्माण सामग्री व्यापार संघ, काठमाडौंले जानकारी दिएको छ ।

संघका अनुसार यसअघि डण्डी बजारमा प्रतिकिलो ९४ रूपैयाँदेखि ९७ रूपैयाँसम्म कारोबार भइरहेको थियो । सरकारले विद्युतको बक्यौता बाँकी रहेको भन्दै केही उद्योगको लाइन काटिदिएको छ । बिजुली नहुँदा उद्योग बन्द छन् ।

सामान उत्पादन नभएपछि मूल्य बढेको हो । अहिले बजारमा डण्डीको अभाव भएको संघका सल्लाहकार अन्सन शाखले जानकारी दिए।

काठमाडौं । एनआईबिएल म्युचुअल फण्ड अन्तर्गत सञ्चालित “एनआईबिएल प्रगति फन्ड” को सूचीकरण खारेज भएको छ ।

पुस २६ गते परिपक्व हुनेभएपछि पुस २४ गतेबाट नेप्सेले उक्त सामूहिक लगानी कोषको कारोबार बन्द गरिदिएको हो । सामूहिक लगानी कोष नियमावली, २०६७ को नियम (३१) को खण्ड (१) (क) मा भएको व्यवस्था बमोजिम योजना खारेजीमा जानेछ । फन्ड खारेजी पछि सोही नियमावलीको नियम (३२) को उपनियम (३) को व्यवस्था बमोजिम योजना अर्न्तगतको सम्पत्तिलाई नगदमा परिणत गरी इकाईधनीहरुलाई स्वामित्वको आधारमा भुक्तानी दिनुपर्ने नियम छ ।

२०७३ को कार्तिक २५ गते सञ्चालन अनुमति पाएको उक्त फन्डको सात वर्षे सञ्चालन अवधि रहेको थियो । योजनाले २०७७/७८ मा ५० प्रतिशत, २०७८/७९ मा ४.२ प्रतिशत र २०७९/८० मा ६.८ प्रतिशत गरि सञ्चालन अवधि भर ६१ प्रतिशत लाभांश दिएको थियो । फन्डको अन्तिम नेट एसेट भ्यालु बराबरको सम्पत्ति अब इकाईधनीले फिर्ता पाउनेछन् ।

काठमाडौं । अघिल्लो सेयर कारोबार दिन आइतबार दोहोरो अंकले घटेको नेप्से परिसूचक आज दोहोरो अंकले बढेको छन । आइतबार २६ अंकले घटेको नेप्से आज ३६।५७ अंकले बढेर २०५९।४९ विन्दुमा कायम भएको छ ।

यसदिन ३०९ कम्पनीको १ करोड ३७ लाख ९ हजार २७६ कित्ताको किनबेच हुँदा ४ अर्ब ६७ करोड ५२ लाख २४ हजार ९०६ रुपैयाँको कारोबार भएको छ ।

७ कम्पनीको सेयर सकारात्मक सर्किट लेभलमा कारोबार भयो । सिंगटी हाइड्रो पावर,मोदी इनर्जी,त्रिशूली जल विद्युत,मु्क्तिनाथ कृषि कम्पनी,नेपाल वेयरहाउस कम्पनी, हिमालयन रिइन्स्योरेन्स र तेह्रथुम पावरको सेयर सकारात्मक सर्किट लेभलमा कारोबार भयो ।

यसदिन नारायणी डेभलपमेन्ट बैंकका लगानीकर्ताले भने गुमाए । सो कम्पनीको ५।४६ प्रतिशतले सेयर घट्यो ।

सोनापुर २१ अर्ब बढीको सेयर कारोबार गरी शीर्षस्थानमा रह्यो । यसैगरी माउन्टेन इनर्जीको १९ करोड,हाथवेको १६,एनआरएन इन्फ्रास्ट्रक्चर एन्ड डेभलपमेन्टको १४ र नेफ्राको ११ करोड बढीको सेयर कारोबार भयो ।

कारोबारमा आएका १३ उपसमूहमध्ये १२ को सूचक सकारात्मक देखिए । यसदिन म्युचुल फण्डको मूल्य भने ०.०१ प्रतिशतले घट्यो । २१२ कम्पनीको मूल्य बढ्दा २९ वटाको घट्यो भने ५ को स्थिर रह्यो ।

काठमाडौं । कामना सेवा विकास बैंक लिमिटेडले आफ्नो संस्थागत सामाजिक उत्तरदायित्वअन्तर्गत शाखा कार्यालय बिर्तामोड, झापामार्फत हिमशिखर टोल विकास संस्थालाई १० थान डस्टबिन हस्तान्तरण गर्नुका साथै सरसफाइ कार्यक्रम सम्पन्न गरेको छ ।

बिर्तामोडका शाखा प्रमुख मोदनाथ गुरागाईले हिमशिखर टोल विकास संस्थाको अध्यक्ष देवराज प्रसाईको उपस्थितिमा सरसफाइ कार्यक्रम तथा डस्टबिन हस्तान्तरण गरेका हुन् । यससँगै बैंकले आगामी दिनमा समेत सरोकारवालाको समन्वय तथा सहकार्यमा यस्ता प्रकृतिका सामाजिक कार्यलाई निरन्तरता दिने बताएको छ ।

काठमाडौं । प्रतिकित्ता ३०९ रुपैयाँमा कारोबार सुरु भएको हिमालयन रि इन्स्योरेन्सको मूल्य ९.९९ प्रतिशतले बढेको छ । कारोबार सुरु भएलगत्तै ९.९९ प्रतिशतले बढ्दै सकरात्मक सर्किटसँगै ३४०.१० रुपैयाँ पुगेर कारोबार रोकिएको हो ।

नेपाल स्टक एक्सचेञ्ज (नेप्से)बाट हिमालयन रिको सेयरले १०३.०७ रुपैयाँदेखि ३०९.२१ रुपैयाँसम्मको सुरुवाती रेञ्ज पाएको थियो । यसमध्ये ३०९ रुपैयाँबाट कारोबार सुरु भएर प्रतिकित्ता ३४० रुपैयाँ पुगेर रोकिएको हो ।

कम्पनीले मंसिर २७ गतेदेखि पुस १ गतेसम्मका लागि प्राथमिक सेयर बिक्री खुलाएको थियो । यसक्रममा आवेदकले न्यूनतम १० कित्तादेखि अधिकतम ४० कित्तासम्म सेयर पाएका थिए । कम्पनीले प्रतिकित्ता १०० रुपैयाँमा १०६ रुपैयाँ प्रिमियम थप गर्दै २०६ रुपैयाँमा बिक्री खुलाएको थियो ।

रुकुम । रुकुम पूर्वमा यस वर्ष महको उत्पादन दोब्बरले वृद्धि भएको छ । गत वर्ष विभिन्न कारणले मह उत्पादन घटेको थियो । जिल्लाको सिस्ने गाउँपालिकाको वडा नम्बर २ र ३ मा मौरीपालन हुँदै आएको छ ।

सिस्ने–३ का ओमप्रकाश खड्काले दुई सय ५० धार्नी मह बिक्री गरेर यो याममा रु सात लाख ५० हजार आम्दानी गरेका छन् । अब एक सय ४० धार्नी मह बिक्री हुन बाँकी रहेको उनले बताए । “यस वर्ष राम्रो मह उत्पादन भएको छ । मैले यो याममा मौरी घारबाट निकालेको मह सबै बिक्री भयो भने रु १२ लाख कमाउँछु”, किसान खड्काले भने ।

सोही वडाका अर्का मौरीपालक किसान कमलाल खड्काले पनि ६० घारबाट एक सय ८० धार्नी मह निकालेका छन्। मह निकाल्न अझै दश मौरीका गोला बाँकी छन् भने एक सय आठ धार्नी मह बिक्री भइसकेको छ । उनले बिक्री भएको महबाट रु तीन लाख २४ हजार आम्दानी गरेका छन् । अझै ७२ धार्नी मह बिक्री हुन बाँकी छ । उनले भने “यो याममा रु सात लाख बराबरको आम्दानी हुने भएको छ । ”

एक धार्नीमा साढे दुई किलो मह हुने गर्छ । एक किलो मह लाई १२ सयसम्ममा बिक्री हुने गरेको जनाइएको छ । यस क्षेत्रको मह रुकुम पश्चिम, दाङ, सल्यान, जाजरकोट, नेपालगञ्ज पोखरा र काठमाडौँलगायत सहरमा पुग्ने गरेको छ ।

सिस्ने –३ मा यो याममा रु ९० लाख बराबरको मह उत्पादन भएको वडाध्यक्ष हेराम खड्काले जानकारी दिनुभयो । अघिल्लो वर्षका तुलनामा यस वर्ष जिल्लामा दोब्बरले मह उत्पादन भएको एकीकृत तथा पशुपन्छी विकास कार्यालय रुकुम पूर्वका कार्यालय प्रमुख पिताम्बर बस्नेतले जानकारी जानकारी दिए ।

गत वर्ष जिल्ला मा १२ सय मौरीका गोलाबाट छ सय मेट्रिक टन मात्र मह उत्पादन भएको थियो भने यस वर्ष १७ सय मौरीका गोलाबाट १२ सय मेट्रिक टन मह उत्पादन भएको प्रारम्भिक अनुमान कार्यालयले गरेको छ । अझै पनि किसानको मह निकाल्ने काम जारी भएको हुँदा अहिल नै यति मह उत्पादन भएको छ भनेर भन्न नसकिने उनले बताए ।

उत्पादित महको ८० प्रतिशत मात्र बिक्री भयो भने पनि रु एक करोड १५ लाख २० हजार जिल्लामा आम्दानी हुने सो कार्यालयले जनाएको छ ।

काठमाडौं । नेपाल ब्रोडकास्टीङ्ग च्यानल लिमिटेडले आईपीओ निष्काशन गर्ने भएको छ । कम्पनीले आईपीओ निष्काशन गर्ने विशेष प्रस्ताव सहित माघ ७ गते साधारणसभा आह्वान गरेको छ । नेपाल ब्रोडकास्टीङ्ग च्यानल मार्फत न्युज २४ टिभी तथा अनलाइन संचालन भइरहेको छ । कम्पनीले तय गरेको साधारणसभामा आईपीओ निष्काशन सम्बन्धि विभिन्न विशेष प्रस्ताव पेश हुने कम्पनीले जनाएको छ ।

साथै कम्पनीको अधिकृत र जारी पूँजी वृद्धि गरी प्रबन्धपत्रको दफा ६ संसोधन गर्ने प्रस्ताव सभामा पेश हुने छ । त्यस्तै प्रबन्धपत्रको दफा ६ (घ) र (ङ) संसोधन गरी सर्वसाधारण सेयरधनीलाई छुट्टाइएको सेयरको अनुपातमा आवश्यक संसोधन गर्ने प्रस्ताव पनि सभामा पेश गरिने छ ।

त्यस्तै सभाको प्रस्तावमा कम्पनीको सेयरको अंकित मूल्य संसोधन गर्नका लागि प्रबन्धपत्र तथा नियमावलीमा आवश्यक संसोधन गर्ने, कम्पनीको साधारण शेयरहरु सर्वसाधारणलाई जारी गर्ने, साधारण सेयर जारी पश्चात् प्राप्त पूँजीको उपयोग सम्बन्धमा निर्णय गर्ने प्रस्ताव पनि सभामा पेश हुने सूचनामा उल्लेख छ । कम्पनीको साधारण शेयर जारी गर्ने सम्बन्धमा आवश्यक कार्य गर्न सञ्चालक समितिलाई अख्तियारी दिने प्रस्ताव पनि सभामा पेश गरिने कम्पनीले जनाएको छ ।