काठमाडौं– प्रि–ओपन सेसनमा नेप्से सूचक ४ दशमलव ०३ विन्दुले बढेको छ ।
यससँगै सूचक २५४० दशमलव १४ अंकमा आएको छ । यस सेसनमा ६९ लाख ७२ रुपैयाँभन्दा बढीको सेयर कारोबार हुँदा ६५ कम्पनीको १४ हजार ८ सय २५ कित्ता सेयर कारोबार भएको छ । कुल ४२ कम्पनीको भाउ बढेको छ भने १३ वटाको मूल्य घटेको छ । यो सेसनमा कुल १२७ वटा कारोबार भएको हो ।
काठमाडौं। शेयर बजार लगातार ६ दिन बढेर आज भने उच्च अंकले करेक्शन भएको छ । बजार लगातार ३२३ अंक उचालिएर आज भने उच्च अंकले घटेको हो ।
अव आवका अन्तिम दिन अर्थात असार ३१ गतते सोमबार १७।१८ अंकले घटेर नेप्से २२४०.४१ अंकमा झरेको थियो । नयाँ आर्थिक वर्ष शुरु भएपछि ६ दिन बजार लगातार बढ्यो । हिजो मंगलबारसम्म आइपुग्दा नेप्से उचालिएर २५६३.४३ अंकमा पुगेको थियो । बजार साउन १ गते ७०.१८, २ गते ५४.०४, ३ गते बिहीबार ५९.६८, ६ गते ६१.६१, ७ गते २.१५ र हिजो ८ गते मंगलबार ७५.३३ अंकले उचालिएको थियो ।
नेपाल स्टक एक्सचेञ्ज लिमिटेड (नेप्से) का अनुसार आज बजार २७.३२ अंकले घटेको हो । १.०६ अंकले बजार तल झदा नेप्से २५३६.११ अंकमा ओर्लिएको छ । समग्रमा बजार घटे पनि वित्त र होटल समूह क्रमशः १.१६ र ०.१३ प्रतिशतले बढेका छन् । बाँकी अरु राताम्मे भए ।
काठमाडौं । अमेरिकी डलरको भाउ बढ्ने क्रममा रहेको छ। बुधबार डलर हालसम्मकै महँगो भएको छ।
बुधबारको लागि एक अमेरिकी डलरको खरिददर १३३ रूपैयाँ ६१ पैसा र बिक्रीदर १३४ रूपैयाँ २१ पैसा तोकिएको छ। यो मूल्य हालसम्मकै उच्च हो।
यसअघि गत साउन ६ गते डलरको भाउ १३४ रूपैयाँ १७ पैसा पुगेर नयाँ रेकर्ड बनाएको थियो। पछिल्लो रेकर्डभन्दा यो मूल्य ४ पैसा बढी हो।
नेपाल राष्ट्र बैंकले सार्वजनिक गरेको विनिमय दर अनुसार बुधबार युरोपियन युरो एकको खरिदमा भने १४५ रूपैयाँ १९ पैसा र बिक्रीमा १४५ रूपैयाँ ८४ पैसा पाइन्छ।
बेलायती पाउण्ड स्टर्लिङ एकको खरिददर आज १७२ रूपैयाँ ४८ पैसा र बिक्रीदर १७३ रूपैयाँ २५ पैसा तोकिएको छ।
त्यसैगरी, अष्ट्रेलियन डलर एकको खरिदमा आज ८८ रूपैयाँ ५१ पैसा र बिक्रीमा ८८ रूपैयाँ ९१ पैसा तोकिएको छ। क्यानेडियन डलर एकको खरिदमा भने ९७ रूपैयाँ १२ पैसा र बिक्रीमा ९७ रूपैयाँ ५६ पैसा पाइन्छ।
यस्तै, कतारी रियाल एकको खरिदमा ३६ रूपैयाँ ६४ पैसा र बिक्रीमा ३६ रूपैयाँ ८० पैसा पाइन्छ। राष्ट्र बैंकले साउदी अरेबियन रियाल एकको खरिददर आज ३५ रूपैयाँ ६२ पैसा र बिक्रीदर ३५ रूपैयाँ ७८ पैसा तोकेको छ।
युएई दिराम एकको खरिदमा ३६ रूपैयाँ ३८ पैसा र बिक्रीमा ३६ रूपैयाँ ५४ पैसा पाइन्छ। मलेसियन रिंगिट एकको खरिदमा बुधबार २८ रूपैयाँ ६० पैसा र बिक्रीमा २८ रूपैयाँ ७३ पैसा पाइन्छ।
बुधबार कुवेती दिनार एकको खरिदमा ४३७ रूपैयाँ ०३ पैसा र बिक्रीमा ४३९ रूपैयाँ पाइन्छ। त्यसैगरी, आज बहराइन दिनार एकको खरिददर ३५४ रूपैयाँ ४६ पैसा र बिक्रीदर ३५६ रूपैयाँ ०६ पैसा तोकिएको छ।
काठमाडौं । आज शेयर बजारमा भारी अंकले बृद्धि भएर २५०० को विन्दु क्रस गरेको छ । आज शेयर बजार नेप्से परिसूचक ७५ दशलमव ३३ अंकले बढेर २,५६३ को विन्दुमा कायम भएको छ । आज २२० कम्पनीको शेयर मूल्य बढेको छ भने २० कम्पनीको मात्रै शेयर मूल्य घटेको छ ।
आज दिनभरिमा ३१७ कम्पनीको ३ करोड ९७ लाख ९० हजार ८८९ कित्ता शेयर किनबेच हुँदा १४ अर्ब ११ करोड ६३ लाख रुपैयाँको शेयर कारोबार भएको छ । आज सबैभन्दा धेरै शिवम सिमेन्टको शेयर कारोबार भएको छ ।
आज यस कम्पनीको २४ करोड ४६ लाख रुपैयाँको शेयर कारोबार भएको छ । अपि पावरको २४ करोड २६ लाख रुपैयाँको शेयर कारोबार भएको छ । हिमालयन रिइन्स्योरेन्सको २३ करोड २ लाख रुपैयाँको शेयर कारोबार भएको छ ।
काठमाडौं । एनआईसी एसिया बैंकले आफ्नो स्वामित्वमा रहेको नेपाल इन्फ्रास्ट्रक्चर बैंक निफ्रा को संस्थापक शेयर लिलामी बिक्री खुला गरेको छ।
बैंकले निफ्राको १० लाख कित्ता संस्थापक शेयर लिलामी बिक्री खुला गरेको हो। यसमा लगानीकर्ताले न्यूनतम १०१ रुपैयाँको दरले आवेदन दिन सक्नेछन् भने न्यूनतम ५ हजार कित्ताका लागि आवेदन दिनुपर्नेछ।
यो कम्पनीको शेयर खरिदका लागि विद्यमान संस्थापकहरू वा जो कोही व्यक्ति, कम्पनी, सङ्घ, संस्थाहरूले आवेदन दिन सक्नेछन्।
यसमा साउन १५ गतेसम्म बोलपत्र पेस गर्न सकिनेछ। लिलामी आवेदन एनआईसी एसिया क्यापिटल थापाथली काठमाडौं, एनआईसी एसिया बैंकको कर्पोरेट कार्यालय थापाथली र शाखा कार्यालयहरू विराटनगर, वीरगञ्ज, पोखरा, बुटवल, धनगढी र सुर्खेतबाट पेस गर्न सकिनेछ।
काठमाडौं । शेयर बजारले यो साताको शुरुमा पनि गत साताकै लय समातेको छ। साताको पहिलो कारोबारको दिन आज ९आइतवार० ६० अंकमाथिको वृद्धि देखिएको छ।
नेपाल स्टक एक्सचेन्ज नेप्से परिसूचक आज ६० दशमलव ३६ अंकले बढेर २ हजार ४८४ दशमलव ६८ को बिन्दुमा पुगेको छ। नेप्से समग्रमा २ दशमलव ४८ प्रतिशतमा बढेको हो।
आइतवार १५ अर्ब रुपैयाँभन्दा माथिको कारोबार भएको छ। ३१५ कम्पनीका ४१ करोड १९ लाख ५ हजार ५३४ कित्ता शेयर किनबेच हुँदा १५ अर्ब २३ करोड ८२ लाख रुपैयाँको कारोबार भएको छ।
१७७ कम्पनीका शेयर हरिया भएका छन्। ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स १३ दशमलव २४ अंकले बढेर ४४९ दशमलव ३९ बिन्दु छोएको छ।
युनाइटेड मोदी हाइड्रो, समता घरेलु लघुवित्त, हिमालयन बैंक, गणपति लघुवित्त, मन्दाकिनी हाइड्रोलगायतले धेरै कमाएका छन्।
कारोबार रकमका आधारमा अगाडि रहेको सोल्टी होटलले ४ करोडभन्दा बढी कारोबार गरेको छ भने हिमालयन रि(इन्स्योरेन्सले ३० करोड, कुमारी बैंकले २७ करोड, सीईडीबी हाइड्रोपावरले २६ करोड, शिवम् सिमेन्टले २४ करोडको कारोबार गरेका छन्।
काठमाडौं । धितोपत्र बजारमा लगातार बढिरहेको सेयर कारोबारले बिहीबार नयाँ रेकर्ड कायम गरेको छ। नेप्से परिसूचक झन्डै ६० अंकले उकालो लागेको दिन १५ अर्ब ५४ करोड ८८ लाख सात सय ३८ रुपैयाँको कारोबार भएको छ।
नेपाल स्टक एक्सचेन्जका अनुसार नेप्से परिसूचक ५९.६८ अंकले वृद्धि भई दुई हजार चार सय २४.३२ मा पुगेको छ। ठूला कम्पनीको कारोबार मापन गर्ने सेन्सेटिभ परिसूचक १६.३७ अंकले उकालो लागेर चार सय ३६.१४ मा पुगेको छ।
नेप्सेका अनुसार कुल तीन करोड ९९ लाख ३८ हजार दुई सय ३७ कित्ता सेयर १५ अर्ब ५४ करोड ८८ लाख सात सय ३८ मा कारोबार भयो । नेपाल इन्भेष्टमेन्ट मेघा बैंक, नेपाल फाइनान्स लिमिटेड, आँखुखोला जलविद्युत् कम्पनी, उपकार लघुवित्त वित्तीय संस्था तथा थ्री स्टार हाइड्रोपावर कम्पनीको सेयर मूल्यमा दश प्रतिशतले वृद्धि भई सकारात्मक सर्किट लाग्यो।
यस्तै, कुमारी सबल योजना ५.७६, सिन्धु विकास बैंक ४.५७, गुहेश्वरी मर्चेन्ट ४.२२, एनसिसी डिबेञ्चर ३.९३ र श्री इनभेष्टमेन्ट फाइनान्स कम्पनीका लगानीकर्ताले ३.९० प्रतिशतले गुमाए।
नयाँ राजनीतिक सत्तासमीकरणसँगै सेयरबजारमा कारोबारको ग्राफ चुलिन थालेको हो। आजको वृद्धि तीन वर्षयताकै उच्च हो।
काठमाडौं । नेपाल इन्भेष्टमेन्ट मेगा बैंक लिमिटेडले संस्थापक सेयर बिक्रीमा ल्याएको छ । बैंकले १० जना संस्थापक सेयरधनीको नाममा रहेको ३ लाख २८ हजार ९८० कित्ता संस्थापक सेयर बिक्रीमा ल्याएको हो । यो सेयर खरिदका लागि बैंकका विद्यमान संस्थापक सेयरधनीले मात्रै खरिद आवेदन दिन सक्नेछन् ।
इच्छुक संस्थापक सेयरधनीहरुले बैंकको सेयर शाखा लाजिम्पाटमा आवेदन दिनुपर्नेछ। संस्थापक सेयरधनीले सेयर खरिदका लागि सूचना प्रकाशित भएको ३५ दिनभित्र आवेदन दिनुपर्नेछ।
तोकिएको समयभित्र खरिद आवेदन नपरेमा अन्य व्यक्ति तथा संघ संस्थालाई सेयर बिक्री गर्ने प्रक्रिया अगाडि बढाइने बैंकले जनाएको छ ।
काठमाडौं । नयाँ सरकार गठनसँगै उकालो लागेको सेयर बजार साताको चौथो कारोबारमा पनि उल्लेख्य बढेको छ । यस दिन बजार ५४.०४ अंकले बढेको हो ।
अघिल्लो कारोबारमा बजार ७० अंकले बढेको थियो । आजको कारोबारसँगै समग्र बजार परिसूचक २३६४.६३ मा कायम छ ।
बुधबार २०४ कम्पनीको सेयर मूल्य बढेको छ । ३२ कम्पनीको सेयर मूल्य घटेको छ ।
बजारसँगै कारोबार रकम पनि बढेको छ । १२ अर्ब पाँच करोड ९२ लाख ६६ हजार ११३ रुपैयाँबराबरका तीन करोड २० लाख ९५ हजार ९३७ कित्ता सेयर एक लाख ४९ हजार ६८१ पटकमा खरिद–बिक्री भएको नेपाल स्टक एक्सचेन्ज (नेप्से)ले जनाएको छ ।
काठमाडौं । बैंकिङ प्रणालीमा अधिक तरलता थुप्रियसँगै नेपाल राष्ट्र बैंकले आज ५० अर्ब रुपैयाँ तरलता प्रशोचन गर्ने भएको छ । यसका लागि आज अपराह्न ३ बजे बोलकबोल हुने राष्ट्र बैंकले जनाएको छ।
निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्नेछन्। यो २१ दिने निक्षेप संकलन उपकरणको साउन २३ गते साँवा तथा ब्याज भुक्तानी गरिने राष्ट्र बैंकले जनाएको छ।
Lorem ipsum dolor sit amet, consect etur adipiscing elit. Ut elit tellus, luctus nec ullamcorper mattis.
