आरएसडीसी लघुवित्तको लाभांश घोषणा, बोनस सेयर र नगद कति ?

आरएसडीसी लघुवित्त वित्तीय संस्थाले गत आर्थिक वर्ष २०७८/७९ को नाफाबाट सेयरधनीलाई ८% बोनस सेयर र कर प्रयोजनका लागि ३% नगद लाभांश दिने प्रस्ताव गरेको छ ।

कम्पनीको मंसिर १० गते शनिबार बसेको संचालक समितिको बैठकले कम्पनीको चुक्ता पुँजी ८० करोड ५१ लाख ५५ हजार ७४१.२८ रुपैयाँको कुल ११% ले हुन आउने ८ करोड ८५ लाख ६७ हजार १३१.५४ रुपैयाँ लाभांश दिने प्रस्ताव गरेको हो ।

नियामक नेपाल राष्ट्र बैंक र आगामी बस्ने कम्पनीको वार्षिक साधारण सभाले पारित गरेपछि मात्र वितरण हुनेछ ।