आरएमडीसी लघुवित्त र साना किसान विकास लघुवित्तको सेयर कारोबार फुकुवा

नेपाल स्टक एक्सचेन्ज (नेप्से) ले आरएमडीसी लघुवित्त वित्तीय संस्था लिमिटेड र साना किसान विकास लघुवित्त वित्तीय संस्थाको सेयर कारोबार फुकुवा गरेको छ ।

धितोपत्र दर्ता धितोपत्र दर्ता गराएका संगठित संस्था एकआपसमा गाभ्ने गाभिने तथा प्राप्ति सम्बन्धी निर्देशिका, २०७९ अनुसार गाभ्ने गाभिने तथा प्राप्ति सम्बन्धी प्रक्रियामा रही सेयर कारोबार रोक्का रहेको दुई कम्पनीको आधारभूत सेयरधनी बाहेकको सेयरधनीको सेयर कारोबार फुकुवा गरिएको हो |

दुई कम्पनीको सेयर कारोबार अब बिहिबारदेखि सुचारु हुनेछ | भदौ ३१ गते यी दुई कम्पनीले समझदारी पत्रमा हस्ताक्षर गरेका हुन् | मर्जर सफल भएपश्चात साना किसान आरएमडीसी लघुवित्त वित्तीय संस्थाको नामबाट एकीकृत कारोबार हुनेछ |

सम्झौता पत्रमा साना किसान विकास लघुवित्तका अध्यक्ष खेम बहादुर पाठक र मर्जर उपसमितिका संयोजक उमेश लम्साल तथा आरएमडीसी लघुवित्त वित्तीय संस्थाका अध्यक्ष सुजाता जोशी र संयुक्त मर्जर समितिका संयोजक भिम प्रसाद तिम्सिनाले हस्ताक्षर गरेका छन् । मर्जरपश्चात एकीकृत लघुवित्तको पुँजी कोष ७ अर्ब रुपैयाँभन्दा बढी हुनेछ भने लगानीमा रहेको कर्जा करिब ४३ अर्ब रुपैयाँ पुग्नेछ ।

यी दुई लघुवित्त १०० : ८७ स्वाप अनुपातमा एक आपसमा गाभिन लागेका हुन् जसमा आरएमडीसी लघुवित्तको १०० सेयरलाई मर्जरपछि ८७ सेयर कायम गरिनेछ।