सामुदायिक लघुवित्तको नाफामा आयो गिरावट

सामुदायिक लघुवित्त वित्तीय संस्थाले चालु आर्थिक वर्षको पहिलो त्रैमासिक वित्तीय विवरण सार्वजनिक गरेको छ । चालु आर्थिक वर्षको पहिलो त्रैमाससम्म आइपुग्दा कम्पनीको खुद नाफा ८.२३% ले घटेर ९६ लाख ७४ हजार रुपैयाँ पुगेको छ । अघिल्लो वर्षको सोहि अवधिमा कम्पनीले १ करोड ५ लाख ४१ हजार रुपैयाँ नाफा कमाएको थियो ।

कम्पनीको खुद ब्याज आम्दानी १९.८८% ले घटेर २ करोड १८ लाख ७६ हजार रुपैयाँ पुगेको छ भने कम्पनीको सञ्चालन नाफा १ करोड १५ लाख ९ हजार रुपैयाँ ऋणात्मक रहेको छ । साथै, कम्पनीले यस त्रैमासमा ५९ करोड ७७ लाख ६१ हजार रुपैयाँ निक्षेप संकलन गरेको छ |

त्यस्तै, यस त्रैमसमा कम्पनीको चुक्ता पुँजी स्थिर रहेको छ भने जगेडा कोष २५.८९% ले बढेको छ | हाल कम्पनीको चुक्ता पुँजी १३ करोड २० लाख रुपैयाँ छ भने जगेडा कोषमा ९ करोड ९७ लाख ९० हजार रुपैयाँ रहेको छ | कम्पनीको प्रतिसेयर आम्दानी २९ रुपैयाँ ३२ पैसा र प्रतिसेयर नेटवर्थ १७५ रुपैयाँ ६५ पैसा रहेको छ ।